Xefe Suku Maria Orgullu ho Tour FALINTIL Vizita Kraras Bibileo

Fahe Tutan

Naunil Media (Viqueque), Xefe Suku Bidileo Maria Odete dos Anjos Amaral, informa orgullu tanba ekipa Tour Forças Armadas Libertação Nacionál Timor-Leste Forsa Defeza Timor-Leste (F-FDTL) deside deskansa iha Kraras Bibileo hamutuk ho komunidade hodi selebra aniversáriu FALINTIL ba dala-45 (20 Agostu 2020).

“Ami agradese no sente ondradu ba povu Bibileo, tanba TourFALINTIL mai deskansa iha ami-nia suku. Ohin iha loron ne’ebe hanesan (10 fulan Agostu), komadante Falur Rate Laek iha tinan 1983, momentu ne’ebá  lori sai maluk barak ba ai-laran. Iha loron 08 fulan Agostu 1983, komadante Ular ho ninia soldadu sira halo levantamentu iha rai Bibileo”, Xefe Suku Maria Odete dos Anjos Amaral, ba Naunil Media hafoin fahe nesidade ba bázika ba família kbiit la’ek sira, iha suku Bibileo, Kuarta (10/08).

“Ami husu ba futuru atividade   ne’e kontinua nafatin atu  ita-nia autor funu nain sira bele konta nafatin istória ba jerarasaun foun sira ne’ebé mak seidauk hatene   istória funu”. Maria sujere.

Komunidade Kraras Bibileo ho kontente simu ekipa Tour FALINTIL no akompãna ba vizita Kruz Bo’ot no Ossoáriu Bibileo.

Tour F-FDTL ne’e akompaña direitamente husi Xefe Estadu Maiór Jenerál F-FDTL, Majór Jenerál Lere Anan Timur  ho ninia  espoza   atual deputada Cidália Mesquita Ximenes, Vise Xefe Estadu Maiór Jenerál F-FDTL, Brigadeiru Jenerál Falur Rate Laek, Xefe Estadu Maiór F-FDTL, Koronél Calisto Santos Coli ‘Coliati’, Brigadeiru Jenerál Sabika Besi Kulit, Brigaderu Jenerál Maunana no membru F-FDTL nain 450. Vit

Leave a Reply

Your email address will not be published.