PR Lú Olo Rekomenda Ba Koligasaun Foun Prienxe Rekezitu
Naunil Media (Díli), Prezidente Repúblika (PR), Francisco Guterres ‘Lú Olo’ rekomenda ba koligasaun foun lidera husi Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão atu prienxe reketizu.
Rekomendasaun ne’e Xefe Estadu Timor-Leste, Lú Olo hato’o ba koligasaun ne’ebé durante audensia iha Palasiu Prezidensiál Nicolau Lobato, Bairo Pité, Sesta (06/03).
Hafoin audensia Sekretáriu Koligasaun Foun, António da Conceição ‘Kalohan’, haktuir dispozisaun ne’ebé hato’o husi karta, ninia intesaun atu bele forma governasaun foun, maibe xefe estadu Timor-Leste, Francisco Guterres Lú Olo husu atu koligasaun foun ne’e presija tan prienxe rekezitu balun.
“Prezedente Repúblika Francisco Guterres ‘Lú Olo’ simu ona koligasaun nia dispozisaun ne’ebé mak hato’o iha karta katak bele forma governu da-sia. Maibé agora dadaun sei iha rekezitus balu ne’ebé mak prezisa atu koligasaun ne’e prienxe tanba ida ne’e mak Prezidente Repúblika hakarak atu hatene di’ak liu tan. Ami fila fali depois mak koligasaun sei fó fali resposta ba Rezidente Repúblika”, haktuir António da Conceição ‘Kalohan’, ne’ebe hala’o knar núdar sekretáriu ba koligasaun foun.
Sekretáriu Jerál Partidu PD, Kalohan haktiuir liu tan, haree husi karta ne’ebé koligasaun foun hato’o, Prezidente Repúblika nota katak, Primeiru haree husi aspeitu politíku, “Ami iha kondisaun tanba iha ona koligasaun ho partidu neen (6) no prienxe ona maioria parlamentar tuir lei partidu politika nian. Nune’e ami tenke halo koferensia hanesan baze ida hodi Prezidente bele hatene koligasaun ne’e to’o klean, tanba ne’e ma kami mos seidauk iha pozisaun atu hatan prezidente repúblika, e ami sei hal reuniaun hodi buka solusaun atu bele prienxe rekezitu”.
Konaba rekomendasaun Xefe Estadu Lú Olo nian, kalohan hateten, ida ne’e hanesan rekezitu principal id aba governasaun ne’eb’e que tenke garante ninia sustentabilidade to’o rohan.
“Signifika kondisaun sira ne’ebé mak koalia kona-ba rekzitu legal jurídiku ne’e presija prienxe” dehan Kalohan.
Audensia ho Xefe Estadu Timor-Leste Lú Olo, lideradu husi Prezidente Partidu CNRT, Kay Rala Xanan Gusmão, Partidu Demokrátiku (PD) reprezenta husi prezidente partidu, Mariano ‘Assanami’ Sabino, ho nia Sekretáriu Jerál PD, António da Conceição ‘Kalohan’.
KHUNTO reprezenta husi prezidente Armanda Berta dos Santos. Partidu UDT reprezenta husi prezidente em ezersisiu, Rodolfo Aparicio Guterres.
Partidu Frente Mudansa reprezenta husi prezidente interinu, Egídio de Jesus no PUDD reprezenta Prezidente, António de Sá Benevides.
Audensia refere Sekretáriu Jerál PD, António da Conceição ‘Kalohan’ núdar sekretáriu ba koligasaun foun hodi anota rezultadu reuniaun ne’e.
Durante audensia, iha area palasiu prezidensiál Nicolau Lobato, Bairo Pité hetan seguransa máximu husi PNTL, F-FDTL no seguransa sívil. Lop
