Xanana Lidera Koligasaun Foun To’o Iha Palasiu Prezidensiál Bairo Pité
Naunil Media (Díli), Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão lídera koligasaun foun, Sesta (06/03) ne’e to’o iha Palasiu Prezidensiál Bairo Pité, tuku 09:00 oras Timor-Leste.
Prezensa líder karismátiku Xanana ho nia aliadu iha palasiu prezidensiál ho objetivu atu halo audensia ho Prezidente Republika (PR) Francisco Guterres ‘Lú Olo’.
Audensia ho Xefe Estadu Timor-Leste Lú Olo, Partidu Demokrátiku (PD) reprezenta husi prezidente partidu, Mariano ‘Assanami’ Sabino, ho nia Sekretáriu Jerál PD, António da Conceição ‘Kalohan’.
KHUNTO reprezenta husi prezidente Armanda Berta dos Santos. Partidu UDT reprezenta husi prezidente em ezersisiu, Rodolfo Aparicio Guterres.
Partidu Frente Mudansa reprezenta husi prezidente interinu, Egídio de Jesus no PUDD reprezenta Prezidente, António de Sá Benevides.
Audensia refere Sekretáriu Jerál PD, António da Conceição ‘Kalohan’ núdar sekretáriu ba koligasaun foun hodi anota rezultadu reuniaun ne’e.
Durante audensia, iha area palasiu prezidensiál Nicolau Lobato, Bairo Pité hetan seguransa máximu husi PNTL, F-FDTL no seguransa sívil. Lop
