COVID-19 Halo Komunidade Trauma no Lakohi Ba Tratamentu Saúde
Naunil Media (Lautém ), Xefe Sentru Saúde Internamentu Nivel 2 Lospalos, Justino dos Santos, hateten komunidade sira iha Postu Administrativu Lospalos, Munisípiu Lautém, trauma ho pandemia corona virus (COVID-19) hodi lakohi halo tratamentu iha sentru saúde ne’e.
Xefe Sentru Saúde Internamentu Nivel 2 Lospalos, Justino dos Santos, ba Naunil Media iha kna’ár fatin, Sexta (27/03).
“Pandemia COVID-19 ne’e halo ita nia komunidade sira sai tauk no pániku, liu-liu ba pasiente sira mos. Komunidade sira kuadu moras sira barak mak deside lamai halo tratamentu saúde, tanba sira trauma ho corona virus ne’ebé dadaun ne’e sai hotu iha mundu ninia preokupasaun”, dehan Justino.
Nia husu ba komunidade sira atu labele pániku no trauma ba virus refere, maibe tenke hakbesik-aan nafatin ba sentru saúde nune’e bele halo tratamentu bainhira hetan moras ruma.
“Ikus liu hau hakarak apela, komunidade sira tenke prevene aan hosi virus liu husi saúde bazíku, fase liman nafatin molok kaer ai-han hodi han, uza masker atu virus labale da’et”, apela Nia.
Enkuantu atu prevene no kombate COVID-19, iha munisipiu Laútem ekipa mobilizadór kombate COVID-19 kompostu hosi servisu administrasaun públiku iha munisipiu mai hosi ministériu oi-oin hamutuk ho Sentru Saúde Internamentu Nivel 2 Lospalos halo promosaun saúde ba komunidade no pasiente sira.
Pesoal totál mediku ne’ebé dadaun ne’e servisu iha Sentru Saúde hamutuk nain 34, parteira 11 no infremeiru/a 13. Lat
