COVID-19 Obriga Governu Salva Ekonómia TL

Fahe Tutan

Naunil Media (Díli), Governadór Banku Sentrál Timor-Leste (BCTL-Sigla Portugês), Abrão Vasconselhos, hateten hosi situasaun corona virus (COVID-19) obriga governu tenke esforsa aan hodi salva seitór ekonómia iha rai laran nune’e labele monu.

Governadór Banku Sentrál (BCTL), Abrão Vasconselhos ba jornalista sira hafoin aprezenta pedidu extraordináriu ho Vise Ministra Finansa, Sara Lobo Brites ba Komisaun C (Finansa Públika), pedidu urjénsia ba autorizasaun transferénsia fundu petrolíferu nian, iha sala plenária Parlamentu Nasionál, Sesta (27/03).

Abrão hatutan,  situasaun agora diferente, tanba ne’e Banku Sentrál iha inísiu semana ida ne’e halo prosesu konsultasaun ho xefe ezekutivu sira hosi banku komersiál hotu-hotu nian iha opsaun. Iha diskusaun entre xefe ezekutivu hosi banku komersiál sira deskuti no garante serbisu bankária bazíku ne’e tenke fornese nafatin no presiza atu haree pelu menus medida saida mak bele introdus iha parte krédiu ninian.

“Banku sentrál haree númeru kréditu ba setór privadu ne’e, ho montante ne’ebé mak  ki’ik millaun $250 durante períodu naruk nia laran Banku Sentrál, maibé  la preokupa ida-ne’e, agora ho situasaun espesífiku ida hanesan (COVID-19) ne’,  ha’u  hanoin ita hotu nia relevánsia ne’e determina hosi ita-nia kapasidade tane (salva) para ita-nia seitór privadu sira labele monu”, esplika Governadór BCTL Arão.

“Fulan Abríl, BCTL hosi dresaun jerál estatístika sei públika dadus balun kona-ba inflasaun no presaun hosi presaun inflasaun nian”. Dehan Nia. Ana

Leave a Reply

Your email address will not be published.