PR Lú Olo : Oportunidade ba TL Koriji Frakezas Estruturais

Fahe Tutan

Naunil Media (Nova Iorque), Kinta (24/09) ne’e, Prezidente Repúblika (PR), Francisco Guterres Lú Olo, nia mensajen iha sesaun Asembleia Jerál ONU ba dala-75, hateten pandemia COVID-19 nu’udar oportunidade atu koriji fraquezas estruturais.

Nu’udar Prezidente Repúblika, no serbisu hamutuk ho Governu uza oportunidade impaktu husi COVID-19 hodi estabelese Planu Rekuperasaun Ekonómika,  konsentra ba ema, ne’ebé sei reativa ekonomia nasionál, ho medida kurtu, médiu no longu prazu. Nu’udar dalan atu hapara ema lakon empregu no rendimentu.

“Estadu asumi nu’udar oportunidade ida atu koriji frakezas estruturais”, PR Lú Olo hateten iha ninian intervensaun liu husi vídeo gravadu.

Timor-Leste rejista kazu pozitivu COVID-19 ba dahuluk, iha 21 Marsu, Molok Prezidente Repúblika dekreta Estadu Emerjénsia ba dahuluk, sidadaun ida-idak foti ona medidas ba prevensaun.

Iha luta ba prevensaun no komabate hasoru moras corona vírus, Governu servisu hamutuk ho Organizasaun Mundiál Saúde (OMS).

Estadu Timor-Leste implementa medidas preventiva no kontrolu liu taka nia fronteira sira, kuarentena obrigatóriu no izolamentu no sensibilizasaun ba Povu. Estabelesimentu Sentru Integradu Jestaun Krize permite iha serbisu koordenasaun entre sentores hotu-hotu ne’ebé envolve iha kombate ida ne’e. 

Apoiu husi parseiru dezenvolvimentu sira hanesan Xina, Australia, Kuba, Estadus Unidus Amérika no Uniaun Europeia liuhusi rekursu umanus no doasaun ekipamentus importante tebes iha kombate ida ne’e.

Desde Marsu, Timor-Leste rejista kazu pozitivu hamutuk 27, husi ne’e rekuperadus hamutuk 26. To’o ohinloron seidauk iha ema ida mak tama iha kuidadu intensivu.

Prezidente Repúblika hato’o solidariedade Estadu Timor-Leste nian ho Povu Saharauí no apela atu ONU halo esforsu ba eradikasaun kolonialismu iha 2020.

“Iha Sahara Osidental, Misaun Nasoins Unidas-MINURSO-iha territóriu kuaze dekada tolu, maibé ita seidauk haree progresus satisfatóriu. Sai urjente ba nomeasaun Enviadu Espesial Sekretáriu Jerál ba Sahara. */Pau

Leave a Reply

Your email address will not be published.