Uma Kain Tolu iha Suku Gugleur Dada Rasik Eletrisidade

Fahe Tutan

Naunil Media (Liquiçá), Komunidade uma kain tolu (3) iha aldeia Caicasa, suku Gugleur, postu administrativu Maubara, sira inisiativa rasik dada rasik eletrisidade ba sira nia uma ho distansia Kilómetru 2 (Km).  

“Uma kain tolu mak sira iha inisiativa rasik hodi dada rasik eletrisidade ba sira nia hela fatin ho distansia 2 Km”, Informa Xefe Adeia Caicasa, Agusto Filipe, ba jornalista Naunil Media, iha nia kna’ar fatin foin lalais ne’e.

Autoridade aldeia Caicasa ne’e esplika, uma kain tolu ne’e sira rasik mak sosa fiu talin ho montante $1.200 dolar.  

Filipe husu ba autoridade munisípiu atu tau atensaun ba adeia sira mak seidauk asesu ba enerjia eltrisidade.  

“Lori povu nia naran tatoli ba parte autoridade munisípiu nian bele haree mos ba populasaun iha aldeia balu iha suku Gugleur seidauk asesu ba enerjia eletrisidade” afirma Nia

Nia informa mos, iha aldeia refere komunidade sira susar los bee moos, maske antes ne’e Water Aid istala ona torneira maibé bee la sufisiente.

Total populasaun iha aldeia Caicasa 2,265 no uma kain 158. Lop

Leave a Reply

Your email address will not be published.