UE Apoiu Ekipamentu Protesaun ba Fundasaun Luta ba Futuru iha Same

Fahe Tutan

Naunil Media (Manufahi), Kinta (24/09) ne’e, Embaixada União Europeia (UE) iha Timor-Leste liu husi Care Internasionál apoiu ekipamentu seguridade ba Fundasaun Luta Ba Futuru  hodi fó protesaun ba vitima violensia hasoru feto no labarik, iha Uma mahon Munisípiu Manufahi.

Embaixadór União Europeia, Andrew Jacobs, informa União Europeia orgullu bele servisu hamutuk ho Care Internasionál, Oxfam, Plan Internasionál, World Vision no CRS  hodi fó apoiu ba prevensan COVID-19 iha Timor-Leste.

“Dadaun União Europeia kontinua servisu hamutuk ho Care Internasionál no Fundasaun Luta Ba Futuru (F-LBF) apoiu seguridade ho posibilidade salva vida ba Uma-Mahun munisípiu Manufahi, proteze vítima violensia hasoru feto no labarik”, Diplomata husi União Europeia, Andrew Jacobs, ba jornalista sira, iha fundasaun Luta Ba Futuru, postu administrativu Same.

Care Internasionál liu husi Koodernadó Programa, Ali Saikal, hateten  projetu ne’e Care Internasional apoiu fasilidade ba Fundasaun Luta Ba Futuru bele halo protesaun ba komunidade.

“Fasilidade iha pakote-36 no sasan protesaun pesoál ba vítima violensia doméstika nian, inklui sasan sira seluk hanesan fasilidade halimar nian ba labarik sira, material kustura nian ba feto sira hodi aprende suku durante sira hetan protesaun iha Uma-Mahun”, hateten kordenadór ne’e.

Iha fatin hanesan diretóra ezekutivu Fundasaun Luta Ba Futuru, Maria Boki Fernandes, agaradese União Europeia no Care Internasionál  ba ajudu sira ne’e.

“Fasilidade hirak ne’e ba Uma-Mahun munisípiu Manufahi hodi fasilita di’ak liu-tan vítima sira”, tenik diretóra ne’e.

Nia dehan, sei distribui fasilidade sira ne’e ba komunidade hirak ne’ebe mak presija hetan tulun. Nfm

Leave a Reply

Your email address will not be published.