Uma Kain-11 iha Aldeia Tirilolo, Suku Holarua Same Seidauk Asesu Toilet
Naunil Media (Manufahi), Funsiunáriu Organizasaun Naun Gorvernamental-ONG Luta Ba Mudansa, Marciano De Jesus, infoma ho implementasaun programa ‘Liman Moos’ iha terenu, sira rejista uma kain sanulu resin ida (11) seidauk asesu Toilet iha aldeia Tirilolo, suku Holarua, postu administrativu Same.
“Ami rejista komunidade sira mak iha fasilidade saúde hanesan sentina Pour Fluch (permanente) hamutuk 24, sentina manual lima (5), no komunidade sira mak seidauk iha sentina hamutuk uma kain sanolu resin ida (11) iha Bairu Orluli, aldeia Tirilolo, suku Holarua, postu Same”, funsiunáriu ne’e ba jornalista Naunil Media, iha Aldeia Tirilolo, Tersa (22/09).
Marciano De Jesus, informa liu-tan liu husi programa ‘Liman Moos’, ONG Luta Ba Mudansa direitamente tuun iha terenu hodi observa, rekoilla no identifika problema saúde públiku komunitáriu.
“Monitorizasaun ba komunidade sira la iha fasilidade saúde, ba uma kain, no ba ema ho defisiensia sira. Ami halo ona monitorizasaun ba komunidade iha Orluli, Aldeia Tirilolo hamutuk uma kain 47”, tenik funsiunáriu ONG ne’e. Aldeia Tirlolo iha uma kain-47 abitante feto-150 no mane-135. Nfm
