CVTL Apoiu Nesesidade Bázika ba Kbi’it La’ek iha Aileu

Fahe Tutan

Naunil Media (Aileu), Tersa (30/06) ne’e, Organizasun Umanitária Cruz Vermelha Timor-Leste (CVTL)  apoiu nesidade bázika ba komunidade kbi’it la’ek uma-kain 10  iha suku Seloi Kraik, postu administrativu Aileu Vila, Munisípiu Aileu.

Hafoin atribui nesesidade bázika ne’e, Prezidente Konsellu CVTL  Diretiva Distrital no atuál xefe Sentru Saúde Aileu Vila, Rogerio da Conceição, hateten apoiu refere atu hakbi’it komunidade sira ne’ebé antes tama iha lista identifikasaun.

“CVTL hanesan Organizasaun Umanitária ne’ebé la haree ba rasa, suku no kor,   buat ne’ebé CVTL halo hanesan  ajuda Umunitária ba ita-nia populasaun”, informa Prezidente Konsellu CVTL  Diretiva Distrital no atuál xefe Sentru Saúde Aileu Vila, Rogerio da Conceição, ba Naunil Media iha suku Seloi Kraik.

Iha fatin hanesan, xefe suku Seloi Kraik, Gabriel Mendonça, agradese ba asaun karidade hosi CVTL.

“Agradese ba CVTL mak ohin hala’o asaun karidade ba ha’u-nia komunidade kbi’it laek sira. Apoiu ne’e  ki’ik, tuir kbi’it CVTL nian no espera katak benefisiariu simu sira ho fuan bo’ot”, espresa autoridade suku ne’e.

Apoiu nesesidade mak hanesan, foos, mina, supermi  no  seluk tan. Alende apoiu nesidade báziku ba suku seloi Kraik, CVTL mos apoia nesidade báziku ba  uma-kain neen  iha suku Seloi-Malere no  uma-kain 3 iha suku Liurai. Nty

Leave a Reply

Your email address will not be published.