Sobu Kiosque Lori Arguidu JC ba Hatan Tribunal

Naunl Medi (Díli), Tersa (30/06) ne’e, arguidu ho inisiál JC ba hatan iha Tribunal Distrital Díli (TDD), tanba iha loron 29 fulan Outobru tinan 2019, JC tama ema nian Kiosque iha aldeia Moris Foun, Suku Komoro, Postu Administrativu Dom Aleixo.

Prova sira husi Ministériu Públiku (MP), katak iha fatin akontesimentu sasin ACB rona  ema hakilar dehan na’ok-ten tama kiosque laran, rona ida ne’e sasin sai ba liur komu nia sente tauk, nia bolu-tan sasin ida FR ne’ebé maka sira hela besik malu hodi hakbesik ba iha kiosque nia oin haree arguidu iha laran. Tuir mai sira nain rua hamriik rabat kiosque ne’e hodi obriga arguidu sai mai entrega nia-án, nia (arguidu JC) sai duni kaer ho alkate bo’ot ida, tara mos ransel ida iha nia kotuk, hafoin detein arguidu lori nia ba entrega iha eskuadra polísia Komoro.

Arguidu konfesa ba tribunal katak faktus ne’ebé maka Ministériu Públiku akuza, balun lalo’os, maibé odamatan kiosque loke hela maka arguidu tama.

“Lori Arma branka ne’e lae, maibé sira hein Bus tesi tiha kadiadu no odamatan loke hela maka ha’u tama”, hateten arguidu.

Sasin ACB haktuir, momentu akontese ne’e, nia rasik iha uma rona ema hakilar dehan nauk-ten tama, entun ACB bolu nia maun FR sira nain rua ba konsege hetan duni arguidu.

“Momentu ne’eba ha’u rasik iha uma, ha’u rona ema hakilar dehan nauk-ten tama, entaun ha’u mesak ha’u tauk, ha’u bolu ha’u nia maun ami rua ba besik kiosque, nia iha kios laran, ami bolu nia sai mai kaer alkati bo’ot tesi besi entaun ami mos tauk, depois komunidade mos mai ona, entaun ami lori tiha ba maun nia rezidensia hodi kontaktu polísia hafoin ami entrega ba polísia, maibé ami mos lahalo pasa revista ba arguidu ni pasta entaun ami labele hatene saida maka iha nia pasta laran”, Sasin hato’o.

Sasin seluk mos haktuir, tempu akontesimentu, komunidade sira hakilar nauk-ten tama kiosque laran, hafoin kolega bolu sira nain hakbesik ba, kadiadu kotu tiha ona, hafoin sira bolu arguidu sai mai sira lori ba uma hodi entrega ba polisia, maibé sira lahatene saida maka iha arguidu nia pasta.

“Momentu ne’e iha oras1htl madrugada, ema hakilar iha estrada ibun dehan nauk-ten tama, entaun kolega bolu ami nain rua  ba, ami haree kadiadu kotu tiha ona, ami bolu nia dehan sai mai ga? La sai mai ami bolu polísia.  Entaun ema mos sai barak no ema ida baku nia, entaun ha’u hanesan ema umanu ha’u lori ba uma hodi telfone polísia”, FR hatutan.

Ministériu públiku nia alegasaun katak faktus iha loron 29/10/2019 ne’ebé maka foin rona husi sasin bainhira ema hakilar sira ba to’o iha kiosque refere arguidu iha kios laran duni, maibé Ministériu Públiku mos akuza arguidu ho krime tolu, furtu agravadu iha artigu 252 kodigu penal (kp), Danu simples iha artigu 258 kp, Arma Branka iha lei nu.05/2017, tan ne’e maka Ministériu Públiku mantein ho akuzasaun sira ne’e tanba sasin sira la konsege haree saida maka iha arguidu nia pasta, ho ida ne’e Ministériu Públiku husu ba tribunal atu kondena arguidu ho pena kadeia tinan 6.

Parte Advogadu privadu nia alegasaun mos husu ba tribunal atu konsidera krime Furtu Agravadu ho Danu Simples de’it, kona-ba krime Arma Branka imputa de’it ba arguidu tanba arguidu deklara Armas la’os ninia no laiha provas ne’ebé maka sufisiente. Tribunal sei fó leitura iha loron 08/07/2020, 04htl ho balun.

Audensia julgamentu prezidi husi juis koletivu Julmira da Silva, João Ribeiro, Argentino Neves, Ministériu Públiku reprezenta  hosi prokurador jeral Domingos Barreto, Arguidu hetan asistensia legal husi Defensor Públiku Miguel Acacio Faria, Advogadu Privadu Emelio Pereira de Jesus Sarmento. Rit