Nishta Satyam : PR Sei Asegura Feto Foti Desizaun Iha Polítika

Naunil Media (Díli), Xefe UN Women iha Timor-Les, e Nishta Satyam hateten Prezidente Repúblika (PR) José Ramos Horta kompromete katak sei asegura feto hodi foti desizaun liu-liu iha vida públika no partisipasaun polítika feto sira nian.

“Iha sorumutu ne’e mós Xefe Estadu, kompromete atu asegura katak Nia sei la husik hela asuntu ne’ebé deskute ona hodi la sai hanesan istoria ida, liu-liu atu asegura feto sira hodi foti desizaun no partisipasaun iha vida públika, Kazu sira iha partisipasaun polítika feto sira nian númeru feto sira iha Parlamentu, ne’ebé mak area ida ne’ebé admiravel tebes ba progresu”, dehan Xefe UN Women ba jornalista sira hafoin benkontru ho Prezidente Repúblika (PR), José Ramos Horta iha palásiu Prezidensiál Nicolau Lobato Bairru Pite, kinta (15/09).

Nia hatutan, Hafoin selebra susesu sira ne’e tenke asegura katak feto barak ne’ebé mak hala’o servisu todan aleinde ne’e mós feto barak liu mak iha eskola liu-liu iha siensia, teknolojia no profisaun jéneru ne’ebé la’ós stereotipiku.

Iha enkontru ne’e UN Women ho Prezidente Repúblika mós diskuti kona-ba governasaun inkluziva liu-liu iha área kolaborasaun ne’ebé foka ba ambiente no mós oinsá haforsa feto sira iha area lei nian.

“Iha sorumutuk ne’e ami ko’alia kona-ba governasaun inkluziva kontente tebes diskute area kolaborasaun ne’ebé foka ba ambiente, oinsá atu haforsa feto sira iha area lei nian, polítika lejislasaun no programa sira no kompromote atu haforsa ba jéneru. Ida nee enkoraja tebes feto sira i Prezidente mós antes ne’e ko’alia katak Nia sei la husik ema ida hela iha kotuk”, katak nia.

Nishta Satyam argumenta katak parte husi nia tarde oituan hasoru malu ho Prezidente Repúblika hafoin nia eleitu ba Xefe Estadu iha loron 100 nia laran. *Jos