FEATUREDIkus LiuNewsSaude

Sidadaun 153 Tama Kuarentena Iha Oe-Cusse

Fahe Tutan

Naunil Media (Díli), Prezidente Autóridade Rejiaun Administrativa Espesiál Oe-Cusse Ambeno no Zona Espesiál Ekonomia Sosiál Merkadu (RAEOA-ZEESM), José Luis Guterres ‘LUGU’, infoma relasiona ho Surtu COVID-19 iha Timor-Leste, sidadaun hamutuk nain 153 tama fatin kuarentena iha Oe-Cusse.

Prezidente Autóridade RAEOA-ZEESM, José Luis Guterres ‘LUGU’, ba jornalista sira hafoin sorumutu ho Primeiru Ministru (PM), Taur Matan Ruak iha Palásiu Governu, Tersa (19/05).

“Situasaun COVID-19 iha rai Oe-Cusse  ema ne’ebé tama iha kuarentena to’o agora hamutuk nain 159, maibé hosi númeru ne’e nain  153 mak kompri ona loron 14 no nain (6) mak sei tama hela iha sentru kruzamentu nian”, hateten Prezidente RAEOA-ZEEM, José Luis Guterres ‘LUGU’.

Prezidente Autoridade ne’e hatutan, servisu ho Prezidente Brigada Soke Oe-Cusse dr. Nelson Martins hodi lidera programa kombate COVID-19 iha ne’ebá akompaña Polísia Nasionál Timor-Leste (PNTL), sosiedade sivil no pesoál saúde sira.

“Seguransa masimu hosi Unidade Polisia Fronteira (UPF) hodi asegura nafatin ema sira labele tama sai ilegál iha fronteira rai maran no tasi nian, se ema sira tama ilegál karik sira tenke kompri regra sira ne’ebé mak iha”, haktuir eis Ministru Negosius Estranjerus no Koperasaun ne’e.

Durante sorumutuk ho xefe órgaun ezekutivu, José Luis Guterres ‘LUGU’ inform aba Taur Matan Ruak kona-ba servisu programa implementasaun COVID-19 iha rai ketan Oe-Cusse. Lop

Leave a Reply

Your email address will not be published. Required fields are marked *