PNTL Mantein Seguransa Ba PN
Naunil Media (Díli), Ministru Defesa no Seguransa (MDS), Filomeno Paixão De Jesus, hateten Polísia Nasionál Timor-Leste (PNTL) mantein seguransa ba plenaria iha uma fukun Parlamentu Nasionál (PN) atu garante estabilidade, tanba tensaun polítika ne’ebé aas entre deputadu sira hosi bankada parlamentar CNRT kontra partidu tolu hanesan FRETILIN, PLP no KHUNTO.
Ministru Defesa no Seguransa (MDS), Filomeno Paixão De Jesus Ba jornalista sira hafoin ramata enkontru ho Prezidente Repúblika (PR), Francisco Guterres ‘Lú Olo’ iha, Palásiu Prezidensial, Bairru Pité, Tersa (19/05).
“Polísia iha ne’ebá (Paramentu Nasionál) mantein asegura iha parlamentu laran no mos iha areadóres parlamentu oin, mesmu agora deputadu sira diskute hela espera parlamemtu bele funsiona fila fali”, informa MDS, Filomeno.
Ministru Filomeno hatutan, maske laiha autorizasaun hosi Parlamentu Nasionál hodi atua, maibé banhira deputadu/a sira komete krimi Polísia sei atua tuir lei no ordem hosi Komandu nian.
“Polísia nafatin asegura, maibé labele hahalok situasaun krime, se halo situasaun krime no halo disordem bo’ot hodi impede funsionamentu parlamentu, obrigasaun ami sei atua hodi normaliza situasaun, atu nune’e parlamentu nafatin funsiona”. afirma Nia. Dms
