PM, Taur : “Sidadaun Sira Tuur Hakmatek, Problema Polítika Bo’ot Sira Mak Rezolve”
Naunil Media (Díli), Primeiru Ministru (PM), Taur Matan Ruak, apela ba sidadau sira hotu atu tuur hakmatek, kona-ba kestaun polítika dadaun ne’e husik ba boot sira mak buka solusaun hodi rezolve.
PM, Taur Matan Ruak, ba jornalista sira hafoin enkontru semanál ho Prezidente Repúblik (PR), Fransisco Guterres ‘Lú Olo’, iha Palasiu Prezidensiál Bairru Pité, Segunda (18/05).
“Ho tensaun polítika agora, ha’u hakarak apela ba sidadaun sira atu relembra, ha’u nia liafuan ida famosu bainhira ha’u sai Prezidenti, bo’ot sira hemu tua, ki’ik sira labele lanu. kona-ba problema ne’ebé akontese, hosik ami bo’ot mak buka solusaun ki’ik sira haree fatin tuur hamatek”, hateten Xefe VIII governu Taur
Eis gerileiru veteranu rejistensia, Taur Matan Ruak, salient “Maske situasaun polítika rai laran la’o la hanesan baibain, maibé la iha ema ida mak atu sobu no Timór tenke la’o ba oin. Hau hatete lalika preokupa, Timor tenke ba oin la iha ema ida iha intensaun atu sobu ita. Problema ne’ebé mak agora daudaun ita hasoru kona-ba polítika, maibé tenke iha solusaun hodi bele komtinua dezenvolve Timór ba futuru”.
Impasse polítika hahú akontese iha tinan 2018 to’o tinan 3, maibé seidauk hakotu. Ho situasaun polítika ne’e fó imapaktu ba dezvolvimentu ekonomia rai laran ba povu nia moris. Dms
