PPN, Arão Noe : “Odamatan Nakloke Ba PR Lú OLo Dizolve PN”

Fahe Tutan

Naunil Media (Dili), Prezidente Parlamentu Nasionál (PPN), Arão Noé de Jesus da Costa Amaral, hateten odamatan nakloke ba Prezidente Repúblika (PR), Fransisco Guteres ‘Lú Olo’ hodi dizolve Parlamentu Nasionál (PN).

Xefe órgaun lejisladór, Arão Noé de Jesus da Costa Amaral, ba jornalista sira ba jornalista sira hafoin hala’o limpeza iha Bidau Jardin Habibie, Tersa (17/3).

“Konstituisaun garante katak, mais 60 dias se parlamentu nasionál la aprova  Orasamentu Jerál Estadu (OJE), entaun husi 60 dias  konta ba oin, balun labele interpreta fali 60 dias ne’e ultimu la’ós,  lolos ne’e liu 60 dias, kuandu liu 60 dias parlamentu nasionál la aprova orsamentu jeral estadu, Prezidente Repúblika bele dizolve”, hateten PPN Arão.

Nia dehan, kompetensia iha Prezidente Repúblika nia liman, atu dizolve Parlamentu Nasionál nia mandatu, ema ida labele rekuza ida ne’e, maibé kabe ba kompetensia Prezidente Republika nian hakarak atu opta opsaun ida ne’ebe nakloke tomak ba Xefe Estadu.

Entertantu sura husi OJE ba tinan 2020 ne’ebé  xumba iha parlamentu nasionál to’o ohin loron Tersa (17/03) kompleta ona loron  60 tanba ne’e PR iha kompetesia hodi foti desizaun.

Impasse polítiku iha Timor-Leste la’o tinan tolu liu, iha ne’ebe akontese iha tinan 2017 no dadaun ne’e iha VIII governu, iha tinan 2020 bainhira OJE 2020 la passa iha fase jeneralidade iha Parlamentu Nasionál tanba bankada governu CNRT la a favor ba proposta ne’ebe aprezenta husi governu Aliansa Mudansa Ba Progresu (AMP).

OJE faze jeneralidade aprezenta husi Primeiru Ministru Taur Matan Ruak, iha loron 13 to’o 15 fulan janeiru, iha ne’ebe hanesan públiku hotu hatene deputadu na’in 13 a favor, 15 kontra no 25 abstensaun. Uar

Leave a Reply

Your email address will not be published.