KFP, INAP no UNDP Asina Akordu Formasaun ba Funsiunáriu Públiku
Naunil Media (Díli), Segunda (13/06) ne’e, liu husi Salaun Delta Nova, Komisaun Funsaun Públika (KFP), Institutu Nasionál (INAP) no Programa Nasoens Unidas ba Dezenvolvimentu (UNDP-Sigla Ingles) selebra asina akordu kooperasaun area formasaun ba profesionais funsaun públika iha Munisípius no Postu Administivas.
Kona-ba polítika refere, iha fatin hanesan, KFP, INAP no UNDP, sira mos asina akordu ho IOB-Instituto of Business núdar implemntador ba programa e-learning. Prezidente KFP, Faustino Cardoso Gomes, esplika e-learning nu’udar modalidade foun ida atu aplika funsaun públika uza meius komunikasaun husi apoiu UNDP, sei fo asesu kursus ba funsiunáriu sira por volta atus ualu (800) husi Nasional to’o Munisipius.
“Objetivu atu konkista sira nia kareira iha funsaun públika, kandidatu ba promosaun aspetu abilitasaun literaria”, Faustino Cardoso Gomes, ba jornalista sira iha Delta Nova.
“Atu hasa’e liu tan konesimentu tekniku, iha nivel nasional, munisipiu no postu sira, husi oportunidade servisu hamutuk ho UNDP”, tenik Prezidente KFP, Faustino.
Iha fatin hanesan, Reprezentate UNDP iha Timor-Leste, Munkhtuya Altangerel, orsamentu ba projetu hamutuk 3.9 husi komisaun Europeia no UNDP rasik, partikularmente ba formasaun ne’e inisiativa kuaze miliaun balun (half million).
“Programa formasaun báziku ba ICT ne’e komesa tinan rua liu ba no kuaze funsionáriu mil i tal treinadu iha munisipius atu utiliza komputador”, hakotu nia. Mj2
