Líder Polítiku Halo Retórika De’it, Dezenvolvimentu Rai Laran La’o Hakdasak
Naunil Media (Díli), Veterana Madalena Bidau Soares ‘Kasian’, hateten líder polítiku sira matenek iha retórika maibe asaun laiha, tanba defaktu dezenvolvimentu rai laran kontinua la’o hakdasak.
Veterana ‘Kasian’ koalia kestaun ne’e ba jornalista sira hafoin la’o ain husi husi Praça da Proclamação Palasiu Governu to’o iha Centro de Convenções Díli (CCD) núdar parte ida selebrasaun loron nasionál veteranu/a sira, Tersa (03/03).
Veterana ne’e preokupa ho situasaun atual rai laran tanba líder polítiku halo polítika koalia mak barak hodi hamonu malu no laiha dezenvolvimentu.
“Ita koalia polítika barak maibé nia isin ne’e oituan de’it, ne’e oinsa mak ita bele halo dezemvolvimentu ho diak. Agora ita rona isu barak”, akresenta veterana ne’e.
Nia husu líder polítiku jerasaun 1974-1975 tenke hamutuk lori estadu Timor-Leste sai nasaun ne’ebé dezenvolvidu.
Tuir veteran Kasian katak, “Líder polítiku sira tenke hamutuk, tanba povu sei kontinua hakilar mak eletrisidade, estrada no kampu serbisu ba juventude sira ne’ebé mak iha area rumotas, maibe defaktu orsamentu jerál estadu 2020 fase jeneralidade lapasa iha uma fukun parlamentu nasionál, e ida ne’e sai preokupasaun ba hotu-hotu”.
Tuir veteran ne’e katak, governu presija rona ideia no sujestaun barak husi entidade no sosiedade hotu atu garante sustentabilidade dezenvolvimentu no estabilidade. Flo
