Durante Kampaña, KI Asegura Nafatin Públikasaun Notisia Hosi Jornalista Sira
Naunil Média (Díli), Konselhu Impresa (KI), Nu’udar instituisaun Independente estado nian ne’ebe hala’o nia kna’ar importante sira tuir lei komunikasaun sosial, ne’ebé artigo 44, kona-ba garante liberdade imprensa no liberdade espresaun iha Timor-Leste.
Nune’e Prezidente interinu KI, Expeditu Dias Ximenes, hateten, Iha Ambitu eleisaun Prezidensiál 2022 KI kontinua ezerse nia mandatu hodi garante no asegura implemetasaun kodigu etika jornalismu iha kontextu kobertura.
“ Especialmente iha ambitu eleisaun prezidensial 2022,CI kontinua ezerese ninia mandatu hodi garante no asegura implementasaun kodigu etika jornalistika iha kontestu kobetura no publikasaun programa sira meiu komunikasaun sosiál nian, hodi kontribui bá direitu públiku atu asesu informasaun lolos no kredivel hodi sidadaun sira bele ezerse sira nia direito votu iha loron votasaun.” Dehan Presidente KI Expeditu Dias Ximenes, bá jornalista sira,iha fatin konselho imprensa,quintal boot,sexta,(25/03).
Nia haktuir, iha publikasaun bazeia ba Lei Komunikasaun Sosiál kodigu Étika jornalistika no prinsipiu jornalizmu universál.
“Kuaze semana rua resin iha periódu kampaña polítika, KI halo monitorizasaun no halo análize Maske ho limitasaun oioin iha kontestu kobertura nian, maibé nafatin publika notisia no jornalista hotu-hotu, tantu mídia imprime, online no midia eletrónika nia kontribuisaun no servisu tomak iha periódu pra-kompaña politika, periódu kampaña politika loron votasaun,” Tenik nia.
KI mós konsidera sensasionál no provokativu ne’ebé lá kontribui ba paz no estabilidade iha rai-laran, tanba nakunu ho opiniaun jornalista ka editór nian, konsidera hanesan propaganda polítika iha períodu eleisaun presidêncial nian.
Nune’e KI sei fó sansaun forte bá jornalista no meiu komunikasaun sosiál sira ne’ebé komete infrasaun “grave” hasoru kodigu etika jornalístiku tuir lei Komunikasaun Sosiál hanesan matadalan reportagem eleitorál no matadalan média sosiál bá jornalismu.
KI mantein komunikasaun ho redasaun meiu kominikasaun sosiál atu assegura ninia jornalista hodi nafatin kumpri auto-regulasaun.Ana
