MNEK Adalsiza: Kooperasaun TL Ho Portugal Importante iha Área 3
Naunil Media (Díli), Ministeriu Negósiu Estranjeiru no Koperasaun (MNEK) Adaljiza Magno hateten, Kooperasaun Timor-Leste (TL) ho Portugál importante, tanba desde TL Independensia Portugál ajuda iha edukasaun, seguransa no defeza.
Ministeriu Negósiu Estranjeiru no Koperasaun Adaljiza Magno hato’o lia hirak ne’e ba jornalista sira hafoin akompaña Prezidente Repúblika Francisco Guterres “Lú Olo” simu karta kredensial husi Embaixador Portugál iha Timor-Leste, iha Palásiu Prezidensiál Nicolau Lobato Bairru Pite, Sexta, (25/03).
“Barak liu iha assuntu edukasaun ne’ebé Portugál ajuda Timor-Leste dezde restaurasaun Independensia ita mós iha kooperasaun seguransa defeza no sira mós mai halo investimentu makas iha ne’e, tanba ne’e Koperasaun Timor-Leste no Portugál ne’e importante”, dehan MNEK Adalsiza.
Adaljiza hatutan, Embaixadora Portugál Manuela iha ligasaun forte ho Timor-Leste, tanba uluk servisu iha Prezidensiál Rotativa Comunidade dos País da Lingua Portuguêsa (CPLP), no mós iha ligasaun amizade istórika ne’ebé forte tebes ho Timor-Leste.
“Depois nia mós ligasaun forte ho Timor nia uluk mai servisu iha Prezidensiál Rotativa CPLP purtantu, Embaixadora Manuela iha ligasaun amizade istórika ne’ebé forte tebe-tebes ho Timor-Leste, entaun Prezidente Repúblika kontenti tebes katak ate fin Embaixadora Manuela bele sai Embaixador mai Timor-Leste”, Katak Adalsiza.
Nia dehan, Embaixadora Manuela Freitas Bairos ne’e kareira Diplomata ida no mós Diplomata kleur, Embaixadora ne’e antes mai Timor-Leste uluk hanesan Diplomata iha Jakarta, nia mak halo primeira formasaun ba Diplomata Timor oan na’in 50 ne’ebé mak halo iha Timor iha tinan 2000, 2001 antes restaurasaun Independensia.
Embaixadora Manuela Freitas Bairos nu’udar Embaixador foun hodi troka Embaixador José Pedro Machado Vieira ne’ebé durante ne’e halao funsaun hanesan Embaixador tinan haat iha Timor-Leste, nune’e mós embaixadora Manuela mós normalmente hala’o funsaun nu’udar Embaixadora iha Timor-Leste durante Tinan Tolu ba leten maibé konforme nasaun Portugál. *Jos
