SEACLN Hapara Ona Pensaun Veteranus Hamutuk 2088

Naunil Media (Díli), Hahú husi tinan 2008 tó ohin loron Sekretariu estadu asuntus Kombatentes Libertasaun Nasionál hapara ona Pensaun veteranus iha territóriu nasionál hamutuk 2088 pesoas  ne’ebé simu ona osan husi estadu.

Lia hirak ne’e hato’o husi Sekretáriu estadu asuntus Kombatentes Libertasaun Nasionál Gil da Costa Monteiro “Oan-Soro” ba jornalista hafoin enkontru ho Prezidente Repúblika (PR) Francisco Guterres “Lú-Olo” iha palásiu Prezidente Nicolau Lobato Bairru Pite, kuarta, (13/10).

“Detekta barak ema husi 2008 mai tó ohin ema simu pensaun veteranus ne’e hahu husi 2008 fulan Janeiru mai tó ohin loron ami hapara ema ne’ebé mak simu osan ne’e hamutuk 2088 pesoas Teritoriu tomak”, Dehan SEAKLN Gil da Costa Monteiro.

Sekretáriu estadu ne’e hatutan,  Prosesu kona-bá ema sira ne’e kontinua la’o, maibé nia taka ona osan estadu ba sira, tanba ema kiak sei barak iha Timor-Leste.

“Prosesu ba oin ne’e lá’os ha’u nia hakarak taka osan estadu osan taka ema  barak hotu, depois ida ne’e prosesu seluk nian la’ós ha’u nian”, Tenik sekretáriu estadu

Gil da Costa hateten,  Tanba Prezidente Repúblika mós hakarak hatene informasaun ruma kona-bá falsifikasaun dadus nune’e xefí estadu konsulta ministeriu relevante.

“Agora kona-bá falsifikasaun ninian prezidente Repúblika mós hakarak hatene,  tanba nia rasik rona informasaun no individu balun mai marka audensia ho Prezidente Repúblika entaun prezidente Repúblika mós hakarak konsulta,  no hetan mós hanoin husi ministéiriu ne’ebé mak tutela ba asuntu veteranu”, Katak Gil da Costa.

Governante ne’e mós esplika,  Kona-bá prosesu Verifikasaun dadus veteranus la’o hela, Oe-Cussi hotu tiha ona,  sira seluk ne’e seidauk sei la’o nafatin ne’ebé kuandu prosesu sei la’o hela nia korta netik ninia persentazen hodi esplika ka justifika ne’e orsida lalos ona.

Maibé nia dehan enprinsipiu servicu hahu husi fulan Agostu too agora la’o full iha territóriu tomak,

tanba Prezidente Repúblika ne’e líder masimu nasaun ne’e nian ne’ebé presizamente nia hakarak informasaun ruma husi ministéiriu sira kumpri sira nia dever mai ható informasaun sira ne’e. *Jos