PM Taur: Eleisaun Prezidensiál Foin Dadauk iha Difikuldade Balun
Naunil Media (Díli), Primeiru Ministru (PM), Taur Matan Ruak hateten, Eleisaun prezidensiál foin liu ba ne’e iha difikuldade balun, liuliu iha sentru votasaun paralelu, tanba ne’e governu haree ona oinsá ajuda sidadaun sira bele partisipa festa demokrasia.
Xefé Governu Taur Matan Ruak hato’o lia hirak ne’e ba jornalista sira hafoin enkontru semanal ho Prezidente Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, kinta (24/03).
“Hanesan ita bo’ot sira hatene eleisaun prezidensiál foin dadauk ne’e iha difikuldade balun, liuliu iha Sentru votasaun paralelu sira entaun ami haree hela ida ne’e, oinsá mak bele ajuda sira ne’ebé tenke fila fali ba fatin, para partisipa iha festa demokrasia ne’e, dehan Xefí Governu Taur Matan Ruak.
Taur hatutan, Preparativus sira husi STAE no CNE halo makas loos, governu ninia apoiu mak halo nusa mak sira atividade sira ne’e bele la’o di’ak, no mós reforsa seguransa iha sira nia aktividade sira ne’e parake labele iha problema iha dalan.
Xefí governu ne’e hateten katak dadaun ne’e governu halo hela esforsu, oinsá mak bele halo ajuda liuliu fatin sira ne’ebé dadaun ne’e dezstre naturais, estraga tiha estrada sira para bele fasilita iha Segunda volta.
Nia dehan, Orsamentu laiha problema, governu iha orsamentu ba iha eleisaun prezidensiál tantu primeira volta no Segunda volta. *Jos
