ANC Rekolla Reseita U$72 mill ba Kofre Estadu
Naunil Media (Díli), Prezidente Autoridade Nasionál Komunikasaun (ANC-Sigla Português), João Olívio Freitas, informa ANC rekolla ona reseita husi liña telekomunikasaun hamutuk U$72 mill ba kofre estadu.
“Totál reseita anual ba tinan 2019 ne’ebé ami rekolla iha relatóriu brutu (kotor) husi liña telekomunikasaun hamutuk U$72 mill ba kofre estadu”, Prezidente ANC, João Olívio Freitas, ba jornalista sira hofoin lansamentu relatóriu tinan 2019 nian, iha sala enkontru ANC Kaikoli, Tersa (07/07).
Prezidente ANC João hatutan, ANC presija tan frekuensia adisionála atu bele fornese servisu 4G ba populasaun sira.
“Iha tinan 2019 ANC lansa konsultasaun públiku kona-ba taxa frekuensia expektru ne’ebé ANC utiliza ba servisu 4G, iha mak hanesan banda 850, 900, 1.800, 2.100, 2.300, no 2.600”. dehan Prezidente ANC, João. Leo/Dul
