PR Horta : “Instituisaun Autónomu Manan Osan Bo’ot Zero Produtividade”
Naunil Media (Díli), Prezidente Repúblika (PR), José Ramos Horta, hateten preokupa ho intituisaun autónomu barak iha rai-laran ne’ebé manan osan bo’ot maibe maibe la prova ho nia rezultadu produsaun.
“Husu Primeiru Ministru foun atu mai favór haree ba institutusaun autónomu iha Timor laran, barak demais no manán bo’ot de’it $6 to’o $7 mill, manán liu fali Ministru ida, manán liu Prezidente, Prezidente Tribunál Rekursu, Prezidente Parlamentu Nasionál”, PR Horta ba jornalista sira hafoin remata vizita estadu ba Alemaña, iha Salaun VIP Aeroportu Internasionál Nicolao Lobato, Komoro, Kuarta (28/06).
Tuir Xefe Estadu, Horta, iha rai barak iha institutusaun públiku hanesan autónomu maibé tanba servisu barak tebes, sira movimenta osan hanesan kompañia privadu ida.
“Hatama osan lubuk ida ba estadu, sira halo jestaun hatama lukru oin-oin tanba ne’e mak sai tiha institutusaun ida autonomu sira auto finansiamentu”, tenik líder rejistensia 1974/1975 ne’e.
Aman Nasaun RDTL ne’e kompara Timor-Leste pelo kontrariu, tanbasá mak institutusaun autonomu barak loos, laiha justifikasaun atu manán osan bo’ot sira la produs rezultadu, ezemplu ida mak hanesan eletrisidade.
“Ha’u hatete ba Maun Bo’ot Xanana haree ida ne’e tenke hatun tanba barak demais, konfuzaun demais inkluidu ba importasaun ba medikamentu falta bei-beik”. Hakotu nia. Ana
