Lia Nain Postu 3 Iha Liquica Husu Matak Malirin Ba Kandidatura Numeru 8
Naunil Media (Liquica), Antes hahu kampanha kandidatu ho numeru sorteiu 8 iha kampu futebol Munisipiu Liquica, lia nain sira halao serimonia kultural hodi husu matak malirin ba rai lulik no foho lulik atu fo iis ba Jeneral reformadu, Lere Anan Timur, wainhira eleitu no kaer ukun hodi haree ba povu Timor Leste.
Reprezentante lia nain Liquica, Joanico do Santos haktuir prosesu ritual ida ohin nee atu husu matak malirin ba rai lulik no avo ho matebian sira neebe mate ona, tanba funu maka sira mate hodi fo iis ba Lere Anan Timur bele alkansa nia objetivu ba kaer ukun.
“Ita husu iis ba sira para ita nia kandidatura Prezidente Republika Lere Anan Timur bele simu matak malirin nee atu ba kaer ukun, hodi haree ba povu Timor Leste tomak,” hatete nia ba jornalista sira iha Jardin Liquica Vila, Tersa nee (08/03/2022).
Nia konta tuir, prosesu ida ohin nee tau bua ho malus, manu mutin mean ida ho fahi ida.
Iha prosesu halao serimonia ritual hodi simu matak malirin nee, lia nain sira mai husi postu 3 mak hanesan, Bazartete, Maubara ho Liquica. Latu
