CNE Observa kampaña prezidensiál iha Ainaro Durante Loron Hitu
Naunil Media (Ainaro), Komisaun Nasionál Elesoêons (CNE), observa kampaña presidensiál iha Munisípiu Ainaro Durante loron hitu nia laran ne’e la’o ho di’ak.
Tuir Diretór CNE munisípiu Ainaro Feliciano da CosTa do Santos informa, Wainhira hala’o observasaun ba kampaña kandidatu president Repúblika sira iha munisípiu Ainaro durante ne’e la’o ho di’ak, no kandidatu sira barak mak kumpri duni orariu ne’ebé mai husi CNE.
“Kampaña presidensiál iha munisípiu Ainaro tama ona ba loron da hitu nian, la’o ho di’ak tanba kandidatu ne’ebé halao kampaña iha munisípiu Ainaro kumpri oras ne’ebe iha”, dehan Diretór CNE munisípiu Ainaro Feliciano da Costa do Santos ba jornalista sira iha Munisípiu Ainaru,Tersa (08/03).
Diretór CNE munisípiu Aunaro salenta, Duranta kampaña tuir sira nia observasaun la iha funsionariu ruma iha munisípiu Ainaro partisipa iha kampaña iha oras servisu, funsionariu sira dala ruma husu tuir liu husi telefoni.
“Ami informa ba sira ita bo’ot sira hakarak partisipa kampaña ne’e fora husi ita bo’ot sira nia oras servisu, hanesan Sabadu no Domingu sira ne’e ami labele impede ita bo’ot sira nia direitu feriadu nian, maibé iha Segunda to’o Sexta ne’e lei bandu la iha funsionariu ida mak partisipa iha mini kamaiña ne’e “, nia esplika.
Entertantu nia apela ba kada kadidatu presidensiál sira hotu bainhira hala’o kampaña iha munisípiu Ainaro atu kumpri nafatin orariu kada kandidatura ida-idak. LTS