OJE 2021, MS Fó Preoridade ba Infraestrutura
Naunil Media (Díli), Vise-Ministru Saúde (V-MS), Bonifacio Maucoli dos Reis, hateten Orsamentu Jerál Estadu (OJE) tinan letivu 2021, Ministériu Saúde sei fó preoridade ba enfraestrutura saúde iha teritóriu Timor-laran.
Vise-Ministru Saúde (V-MS), Bonifacio Maucoli dos Reis, ba jornalista sira hafoin partisipa komemorasaun loron mundial Fase Lima Ho Sabaun iha Palásiu Da Sinzas, Kaikoli, Kuarta (21/10).
“Tinan 2021, Ministériu tau planu prioridade ba infraestrutura, fasilidade saúde sira, hasa’e professional saúde sira nia-nivel 1, nivel 2, nivel 3, liliu ba sira ne’ebé iha posto saúde”, informa Membru Governu konstitusionál da-ualu ne’e.
Governante ne’e akresenta, prioridadeliu ba infraestrutura no fasilidade saúde iha teritóriu Timor-laran, tanba komesa frujen ona.
“Hospital Nasional Guido Valadares (HNGV) nu’udar instituisaun autonomia rasik atu deside liu-liu ba orsamentu administrativu nian, tanba ne’e ami sei orienta atu bele haree, identifika ekipamentu sira mak frujen ona, avaria”, dehan V-MS Maucoli. Jjf/Emj11
