FEATUREDIkus LiuNewsPolitika

Armanda: Promete Lori Povu TL ba Moris Di’ak

Fahe Tutan

Naunil Media (Ermera), Kandidatura Prezidente Repúblika  husi partidu Kmanek Haburas Unidade Nasionál Timor Oan (KHUNTO), ho númeru sorteiu 9, Armanda Berta dos Santos hatete, Bainhira povu fó fiar ba nia sai PR nia sei liberta povu husi kiak no mukit.

 “Komprimisiu sei promove justisa sosiál no inkluzaun hodi garante povu hotu-hotu asesu ba justisa no la halo diskriminasaun ba sidadaun se de’it mak iha nasaun Timor-Leste,  ida ne’e hodi bele hetan tratamentu ne’ebé di’ak ba povu nia moris”, dehan kandidatura Armanda Berta dos santos ba jornalista sira iha kampaña eleitoral iha munisípiu Ermera,tersa (08/03).

Nia hatutan, Iha komprimisiu ida ne’e ha’u sei hametin liberdade ba sidadaun hotu-hotu,  bele ezerse sira-nia direitu no liberdade ba sidadaun hotu.

imi eleitu ha’u sai PR sei respeita separasaun poder entre orgaun soberanu sira ne’ebé hatuur ona iha konstituisaun RDTL, dehan nia.

“Ha’u sei hametin mós relasaun ho parte igreja no halo dialogu ho grupu juventude sira atu kria paz no estabilidade iha rai laran, sei la halo diskriminasaun no estigmasaun polítika pasadu ba kualker sidadaun Timor-Leste”, nia hakotu. Ana

Leave a Reply

Your email address will not be published. Required fields are marked *