Jenerál Lere :“Husik Xanana, TMR no Lú Olo Mak Rezolve Impase Polítika, Oportunista Labele Tau Kanuru Tohar”

Naunil Media (Díli), Xefe Estadu  Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, hateten atu rezolve problema impase polítika iha rai-laran husik ba líder  Kay Rala Xanana Gusmão, Taur Matan Ruak  no  Fransisco Guterres ‘Lú Olo’, ba oportunista sira labele aproveita situasaun polítika ne’e hodi  hatama kanuru Tohar.

Xefe Estadu  Maiór Jenerál F-FDTL, Maijór Jenerál Lere Anan Timur, ba jornalista sira hafoin sorumutuk ho Prezidente Repúblika (PR), Fransisco Guterres ‘Lú OLo’ iha Palásiu Prezidensíál Bairru Pité, Kuarta (13/05).

“Ohin loron ita la rona ema seluk nia naran, ita rona  mak Maun Xanana, Maun Taur ho Lú Olo. Sira ne’e seé !, sira ne’e maun ho Alin ne’e  uluk kedas  iha Ai-laran. Problema agora ne’e husik ba sira nain tolu mak rezolve, oportunista sira atu labele aproveita situasaun polítika rai-laran hodi hafahe lideransa rezisténsia sira”, hateten Vereranu eis gerileiru rejistensia komandante rejiaun Ponta Leste, Lere Anan Timur.

Líder husu mos ba veteranu sira ne’ebé mak uluk luta ba ukun rasik aan durte iha tinan naruk nian laran atu atensaun nafatin  ba ema oprtunista sira.

“Problema ne’e sira nain tolu nian , tanba sá mak oprtunista sira hatama hotu kanuru tohar ba laran, sira nia problema ami sei tur hamutuk hodi rezolve”, tenik Nia.

Lere afirma, “polítiku sira lalika kolia barak no lalika soran tuun soran sa’e, lalika lansa boatus oi-oin, ho informasaun ne’ebé la loós hodi sobu lideransa rezistensia Sira”.

“Ha’u la fiar katak, maun sira ne’ebé uluk ami mai hosi Ai-laran ne’e, atu fahe malu no kontra malu ne’e, ha’u la fiar”. dehan Nia. Dms