FEATUREDIkus LiuNewsSaude

CIGC Preokupa Ho Ema Deskuiñesidu Uza Númeru Hotline 119 Insulta Profesionáis Saúde

Fahe Tutan

Naunil Media (Dili), Porta voz Sentru Integradu Jestain Krize (CIGC-Sigla Português), Rui Maria de Araújo, hateten preokupa ho ema deskuiñesidu balun uza númeru hotline 119 telefone ba pessoál saúde sira ho lia-fuan la edukativu.

Porta voz CIGC, Rui Maria de Araujo hatoo preokupasaun ne’e ba jornalista sira, liuhosi konferensia imprensa mak hala’o iha Centro de Convenções de Dili (CCD), Sabadu (11/04).

“triste teb-tebes ita akompaña ema balun uza númeru hotline telefone ba 119 númeru ida ne’e insulta ita nia professionál saúde sira. Tolok hatete tan buat oi-oin, halo favor, ema sira ne’e tur iha ne’ebá la’ós tamba sira nia hakarak, ema sira iha ne’ebá husik nia família no sira tenke foti risku ba iha ne’eba atu fo apoiu ba ita nia populasaun liuhosi kanál de komunikasaun ida ne’e” dehan Rui.

Tuir Porta-voz ne’e katak, númeru komunikasaun ne’e utiliza hodi ko’alia asuntu relasaun ho surtu COVID-19 hodi ministériu saúde bele fo apoiu ba situasaun ne’ebe infrenta iha relasaun ho COVID-19.

“Halo fafór ida uza kanál komunikasaun ida ne’e hato’o preokupasaun  hotu relasiona ho moras COVID-19 hodi nune’e ministériu saúde bele fó apoiu ba ita bo’ot sira”, dehan Portavos CIGC, dr. Rui.

Ikus liu, dr. Rui Araújo dehan, “Situasaun defisil ne’e presija ema hotu nia konfiansa ba ekipa Sala de Situasaun bele responde, tamba Sentru Integradu Jestaun Krize, lidera hosi Primeiru Ministru Taur Matan Ruak rasik iha estadu emerjénsia ida ne’e ba programa metigasaun ba situasaun COVID-19, tamba ne’e komunidade hotu tenke fó fiar ba instituisaun estadu hodi hala’o nia servisu iha situasaun defisil ida ne’e. Uar

Leave a Reply

Your email address will not be published. Required fields are marked *