Infraestrutura Sai Xave Ba Industria Turizmu

Fahe Tutan

Naunil Media (Díli), Diretór Jerál Ministériu Turizmu, José Quintas, hateten infraestrutua sai xave importante ba industria turizmu tanba fatin turistiku furak barak mak iha area rural.

Diretór Jerál Ministériu Turizmu, José Quintas ba jornalista sira hafoin diskusaun loron dahuluk kona-bá planu esbosu nasionál turismu 2030, iha Centro de Convenções de Díli (CCD), Kuarta (11/03).

“Infrastrutura mak sai xave inportante ba industria turizmu nian, tanba kadaves fatin furak ne’e maioria iha  área ruraál sira, maibe asesu ba ne’e mak sei susar.  Ita presiza haree fó preoridade ba situasaun sira ne’ebé iha potensialidade bo’ot hanesan Ramelau ho Hatubuiliku, ne’e fatin ida ke maraviloza, poténsia ida bo’ot liu ba turistiku relijioza, maibe ita sei infrenta mak estrada la diak”, realsa Directór Jerál ne’e.

Nia hatutan, presija servisu hamutuk ho ministériu hotu ba dezenvolvimentu turizmu iha Timor-Leste.

“Seitór turizmu iha área luan liu, tamba ne’e presiza apoiu husi infraestrutura, saúde, seguransa no imigrasaun, seitór ne’e mak la kompletu, nia implikasaun ne’e ba dezenvolvimentu turismu”, dehan Nia.

Nia husu ministeriu relevante sira tenke tau ona konsiderasaun hodi hadia infraestrutura hanesan estrada tanba ministériu turismu iha intreligadu ho ministériu sira seluk, hodi bele dezenvolve fatin turistiku sira. Uar

Leave a Reply

Your email address will not be published.