Deskonfia Funsiunáriu Balun iha MJ Ameasa Porta-voz FUTL

Fahe Tutan

Naunil Media (Díli), Tersa (04/08) ne’e, deskonfia funsiunáriu balun husi Ministériu Justisa (MJ) ameasa porta-voz Front Universitáriu Timor-Leste (FUTL) wainhira manifestante submete karta ba Ministru Manuel Cárceres atu halo audensia, relasiona ho Ezbosu Lei Kriminaliza Difamasaun.

Diretór Ezekutivu Forum ONG Timor-Leste (FONGTIL), Daniel Santos do Carmo, hateten lamenta ho aktu husi funsiunáriu ne’ebe refere no konsidera nu’udar hahalok premanizmu no bandalizmu.  

“Ita lamenta ho ameasas ne’ebé sira halo, tanba Estadu no Ministériu Justisa ne’e la’ós funsionáriu Ministeriu Justisa nian, maibé ne’e ba sidadaun hotu-hotu”, Diretór Ezekutivu  Forum ONG Timor-Leste (FONGTIL), Diretór FONGTIL, Daniel Santos do Carmo, ba jornalista sira hafoin partisipa Konsellu Estadu prezide husi Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairu-Pite, Kuarta (05/08).

Reprezentante Sosiedade Sivíl ne’e, hatutan maske seidauk iha klareza kona-ba akontesimentu refere, maibe nia parte sei buka hodi la’o tuir dalan legál.

“Ha’u la fiar Ministru Justisa hanesan Manuel Cárceres atu autoriza nia membru sira hatudu hahalok hanesan ne’e, dala ruma funsináriu sira mak la iha étika no profisionalizmu”, teknik Diretór FONGTIL ne’e.

Ikus-liu, Nia dehan, sosiedade sivíl sei halo aproximasaun no nafatin buka faktu sira atu buka solusaun tuir dalan legál (Lei). Dms

Leave a Reply

Your email address will not be published.