PN Seidauk Simu Notifikasaun Tribunal Kona-ba Kareta Prado

Fahe Tutan

Naunil Media (Díli), Sekretária Jerál Parlamentu Nasionál, Cedeliza Faria dos Santos, hateten, to’o agora parlamentu nasional seidauk simu karta notifikasaun husi tribunal kona-ba kareta prado sira ne’ebé iha deputadu sira nia liman.

“To’o a data ami seidauk simu notifikasaun ruma husi tribunal nian tanba ne’e mak prosesu ne’e sei hanesan ne’e, nafatin ita hein deit bainhira simu rezultadu sira bele foti medidas kona-ba kareta prado sira ne’ebé iha eis deputadu sira nia liman, bainhira seidauk simu karta ruma, parlamentu nasional labele halo buat ruma”,  hateten Cedeliza faria dos Santos ba jornalista sira iha Uma Fukun Parlamentu Nasionál, Kuatra (11/03).

Nia dehan, deputadu hamutuk na’in sanulu resin ualu (18) ne’ebé re-eleitu la simu kareta foun tanba ne’e uza nafatin kareta prado hodi hala’o sira nia kna’ar. entretantu eis deputadu hamutuk nain sanulu resinrua (12) seluk seidauk entrega kareta prado.

Nia husu, “eis deputadu nain 12 ne’ebé seidauk hatama kareta prado atu hato’o razaun ba parlamentu nasionál kona-ba uzu kareta prado”. Antes ne’e Movimentu Universitariu Timor Leste-MUTL halo ejiji ba parlamentu nasionál atu labele sosa kareta prado tanba tuir estudante sira timoroan katak sei bele utiliza kareta prado ne’ebe mak tuan. Ino

Leave a Reply

Your email address will not be published.