FEATUREDIkus LiuNewsPolitika

Aban PR Lú Olo Fó Posse ba Membru Governu Na’in 4

Fahe Tutan

Naunil Media (Díli), Prezidente Repúblika (PR)  Francisco Guterres “Lú Olo” aban sei fó posse ba membru guvernu n’in 4, tanba tuir Konstituisaun RDTL Xefí estadu mak iha kompetensia nomeia, fó posse no ezenora tuir proposta Primeiru Ministru.

Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu, bazeia ba proposta husi Primeiru Ministru.  Tuir artigu 86 alinea  h) Konstituisaun Repúblika Demokrátika Timor-Leste, katak Prezidente Repúblika  mak iha kompeténsia atu nomea, fó posse no ezonera membru Governu, tuir proposta husi Primeiru Ministru.

Membru Governu na’in 4 ne’ebé hetan nomeasaun husi Prezidente Repúblika mak hanesan Ministru Obras Públikas, Abel Pires da Silva, Ministru Justisa, Tiago Amaral Sarmento, Vise-Ministru Finansas, António Freitas, Sekretáriu Estadu ba Assuntus Kombatentes Libertasaun Nasionál, Júlio da Conceição ‘Loro Messak’.

“Prezidente Repúblika Franciso Guterres “Lú Olo”, sei fó posse ba membru Governu na’in-4 iha tersa feira,  22 marsu 2022, tuku 09.30, iha Palásiu Prezidensiál Nicolau Lobato,” dehan liu husi Komunikadu ne’ebé Naunil Media asesu iha Palásiu Prezidensiál Nicolau Lobato Bairru Pite, segunda (21/03).

Molok halo nomeasaun ba membru Governu na’in-4, tuir proposta husi Primeiru Ministru, Prezidente Repúblika liu husi Dekretu Prezidente Repúblika mós ezonera Ministru Obras Púbilkas Salvador Eugénio Soares dos Reis Pires, Ministru Justisa Manuel Cárceres da Costa, Vise-Ministra Finansas Sara Lobo Brites, Sekretáriu Estadu ba Assuntus Kombatentes Libertasaun Nasionál Gil da Costa Monteiro ‘Oan Soru’. * Jos

Leave a Reply

Your email address will not be published. Required fields are marked *