PM Taur ho Don Virgílio Inagura Igreja SAKROJES Bekora
Naunil Media (Díli), Primeiru Ministru (PM) Taur Matan Ruak ho Arsebispu Metropolitana Dili, Don Virgílio do Carmo da Silva, ohin inaugura Igreza Sagradu Korasaun de Jesus (SAKROJES)-Bekora.
Iha homília ne’e, Don Virgílio hatete iha tinan ida ne’e sarani Igreja Bekora selebra loron festa espesial tebes ne’ebé mak kada tinan sei labele repete tan.
“Ohin sarani Bekora selebra festa Kristu Liurai ho espesial tebes ne’ebé mak kada tinan sei labele repete tan dala ida.Tanba ne’e Inaugura Igreza foun ne’e”, Dehan Bispu Dioseze Díli iha serimónia inaugurasaun iha Domingu, (21/11/).
Don Virgílio akresent, loron-loron ema hotu la’o ba mai iha Bekora sempre haree ba Igreja Bekora katak bainhira mak hotu.
“Maibé ikus mai konsege duni finaliza duni, mós husu ba sarani sira ho inaugurasaun Igreja foun ida ne’e atu prepara-an ba Natál tinan foun, no husu mós haluha ona hahalok tuan ho ódiu vingansa sira”, Nia enkoja.
Iha Serimonia inaugurasaun ne’e sarani sira halo ho serimonia kultura hanesan Bidu baku babadok, amu Bispu Don Virgílio hatais kultura hodi husik Manu Pombu.
Hafoin ida ne’e amu Bispu hasai fali kultura hodi hatais fali batina hodi fó bensa ba ingreja foun ne’e no asina plaka hamutuk ho Primeiru Ministru,Taur Matan Ruak, inklui mós koa fita. Hodi kontinua kedas entrega Xavi ba amu Parokia Domingos da Silva ‘Maubere.
Konstrusaun ba Igreja Bekora foun ne’e hahú iha fulan Novembru tinan 2015 ne’ebé mak Igreja Bekora sei lidera husi amu Guilermino da Silva hanesan amu Parokia Bekora no ohin halo ona inaugurasaun ona.
Parokia Becora hari’i iha fulan Outubru 1965 no iha loron 29 Outubru 1966 formalmente Santa Se hasai diploma ida ne’ebe deklara Parokia Sagradu Kurasaun de Jesus Bekora, moris ho vizaun ida mak sai Igreja ne’ebé aprende, hanoin, serbi no reza.
Ho nune’e Igreja Bekora harii liu husi prosesu ne’ebé naruk ho nune’e depois komemorasaun tinan 50, ejistensia Parokia Bekcora, iha tinan 2015 liu ba Amu Paroko Padre Guilhermino da Silva, momentu ne’ebé deside hodi konstrui fali Igreja ne’e. Konstrusaun ba Igreja foun ne’e, Sagradu Korasaun de Jesus (SAKROJES), ne’e ho montante osan millaun rua resin,osan sira ne’ebé governu apoiu 70% no Arkidioseze Díli apoiu pursentu 30. Ana
