VMI António : Informasaun Hau Autoriza Kareta husi Indonézia Tama Mai TL Laloos

Fahe Tutan

Naunil Media (Díli), Vise Ministru Interior (VMI), António Armindo, hateten deputadu sira levanta iha plenaria parlamentu kona-ba kareta husi Indonézia tama mai Timor-Leste (TL) ne’e laloos.

“Hau rasik mos seidauk hatene kareta ida ne’ebe mak tama mai, ita sidauk iha informasaun ida kareta ida husi Indonezia, ne’e ita só primeira vez rona deputadu Virgílio mak anunsiu. Temi Hau nia naran, katak hau mak fo lisensa autoriza, ba Publiku katak ne’e laloós”, klarifikasaun ne’e VMI, António, ba jornalista sira hafoin plenaria iha parlamentu Nasionál, Kuarta (08/10).

Governante ne’e hatutan Iha ne’e dala rumah ema individu balun mak hakarak koko halo foer eh halo aat naran di’ak liu husi deputadu Virgílio.

“Hau husu deit, se deputadu sira atu fo sai informasaun sira hanesan ne’e pelumenus halo lai investigasaun, molok fo sai, selae publiku sira hanoin ita mak autoriza kareta sira ne’e tama mai”, tenik governante ne’e

Nia hateten autoriza ona PNTL atu haree asuntu refere depois atu halo investigasaun.

“Hau membru Governo tenki professional, se ema ruma mak hakarak vigansa polítika, laiha buat ida kuandu nia vigansa, odio, ida ne’e mak hafanu hau atu servisu professional liu-tan”, dehan membru governu konstitusionál da-ualu

Antes ne’e Deputadu Virgílio deklara iha Plenaria Parlamentu (5/10) ne’e,  deklara VMI António Armindo mak fó lisensa ba sidadaun balun lori kareta husi Indonézia tama mai Timor-Leste. Emj1

Leave a Reply

Your email address will not be published.