PR Ramos Husu Graduandu “Labele Lakon Esperansa” Buka Servisu Laiha
Naunil Média (Dili), Prezidente Repúblika (PR), José Manuel Ramos Horta partisipa seremonia graduasaun universidade nasionál Timor Lorosa’e (UNTL) nian ne’e husu ba graduandu sira katak, labele lakon esperansa bainhira buka servisu laiha ka seidauk hetan
“Graduadu sira korajen nafatin labele deziste, mezmu hasoru obstaklu, i dala barak buka servisu laiha, ne’ebé husu ba graduandu sira nafatin estuda atu hetan servisu hodi ajuda familia”. Dehan PR ba jornalista hafoin partisipa seremonia graduasaun iha CCD merkado Lama, tersa (11/04).
Xefe estadu ne’e mós husu ba graduandu sira labele deziste, mezmu difikuldade oi-oin, maibé haree ezemplu líder nasionál sira liu-liu hanesan maun bo’ot Kayrala Xanana Gusmao tempu luta difisil tebe-tebes, maibé mehi nafatin, labele mehi de’it haka’as ho matenek.
Aleinde ne’e Estudante sira orgullu no balun kontinua estuda, balun ba buka vida hanesan bai-bain maibé ita hotu-hotu balun iha sorti no balun laiha sorti. mezmu balun sorti laiha labele lakon esperansa, maibé nafatin kontinua hatudu importánsia kona ba UNTL no istória Timor iha futuru importante tebe-tebes. Ana