Funsiunáriu Públiku Balun Husu Osan Sigaru ba Estudante Sira
Naunil Media (Díli), Diretóra Nasionál Komisaun Anti Korupsaun (CAC-Sigla Português), Leonilda Lobato, hateten dala barak funsiunáriu (ajente estadu) balun iha suku, postu administrative husu fali osan sigaru nian ba estudante, ina-aman sira mak trata dokumentu ruma.
“Exemplu hanesan ba trata dokumentus iha suku ka postu sira, dala ruma funsionariu sira husu fali osan sigaru nian ba estudante sira no inan- aman sira. Prgrama ne’e atu fó hanoin ba joven sira atu kompriende oinsa halo prevensaun ba hahalok korupsaun”, Diretóra Nasionál Komisaun CAC, Leonilda Lobato, ba jornalista sira hafoin partisipa programa siensibilizasaun kona-ba kombate korupsaun ba joeven sira, Aldeia La’o Rai, Taibesi, Karegatiru.
Diretóra Nasionál CAC ne’e esplika, programa siensibilizasaun ne’e atu fó hanoin ba sidadaun foinsa’e sira kona-ba kritéria sira trata dokumentu iha rai laran, hanesan pasaporte no seluk-tan.
“Joven sira karik atu trata pasaporte iha notariadu tenke hatene ninia kriteria sira hanesan, foti kedas (qloron ida) nia kustu mak $100, liu tiha loron 3 mak foti $75, semana ida $50. Maibé, dala ruma funsionariu sira husu tan osan sigaru nian” tenik Leonilda.
Nia dehan, dala ruma atu foti pasaporte iha notariadu, fó-tan osan ba funsiunáriu, maske sira (funsiunáriu) simu vensimentu kada fulan.
Tanba ne’e, Nia husu ba Timor oan hotu atu labele kontribui ba hahalok (sogok), tanba ne’e hahalok korupsaun. Fet
