Konfimadu Pozitivu COVID-19 Iha TL Aumenta Ba Nain 19 no Provavel Haat

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Odete Viegas, informa kazu pozitivu COVID-19 iha Timor-Leste (TL) aumenta ba nain 19 maibe ida rekopera ona no nain provavel nain haat (4).  

Sidadaun konfirmadu pozitivu no provavel, sira hela iha kuartu ketak-ketak iha  fatin izolamentu Sentru Saúde Vera Cruz

Porta voz CIGC, Odete Viegas, ba jornalista sira iha Sentru Media, Centro de Convencões de Díli (CCD), Domingo (19/04).

“Kazu pozitivu hamutuk 19 pessoas ida rekopera ona, entaun ita iha 18 pessoas pozitivu. Purtantu ida ne’e tama tan, ita hamutuk 22 pesoas hamutuk ho kazu provavel nain haat ne’ebe iha”, informa Odete.

Nia hatutan, kazu pozitivu no provavel hamutuk nain 22 ne’e nafatin hetan monitorizasaun hosi médiku sira, akompania spiritual no okpisikolójia.

“Dadauk ne’e maluk sira ne’ebe mak iha fatin izolamentu Vera Cruz, hetan tratamentu no monitorizasaun di’ak hosi médiku sira, akonpañia mos espiritual sira no psikolójia sira mak fo tratamentu ba sira”, tenik Nia.

Odete dehan, “kazu provavel nain haat nee mai husi hotel katuas nain rua, hotel fortuna nain ida, no hotel novu horizonte nian ida”.  

Nafatin liuhosi Sala Situasaun, Porta voz CIGC, Odete Viegas, rejista tan kazu konfırmadu pozitivu COVID-19 feto nain ida, (Domingo 19/04) mai hosi Otél Lecidere. Uar/Ana

Leave a Reply

Your email address will not be published.