Arnaldo : Inísiu Dezembru PNTL Rejista Asidente Hitu
Naunil Media (Díli), Porta voz Polísia Nasionál Timor-Leste-PNTL, Superintendente Xefe Polísia Arnaldo de Araújo, informa husi inísiu Dezembru PNTL rejista asisdente hamutuk hitu, enkunatu seguransa rai-laran kontinua la’o hakmatek.
Porta voz PNTL, Superintendente Xefe Polísia Arnaldo de Araújo, ba jornalista sira liuhusi komunikadu imprensa, iha Kuartel PNTL, Kaikoli, Kinta (10/12).
Porta voz ne’e dehan, husi fulan novembru no dezembru horsehik (red-kuarta 10/12) situasaun iha teritoriu Timor-Leste laran tomak durante 24 horas la’o ho hakmatek.
“Maske iha asidente no insidente balun mak akontese iha inísiu fulan Dezembru 1 to’o 9 horsehik ne’e, ita haree hanesan la dun afeita ba situasaun siguransa enjerál. Inísiu ne’e rejista totál asidente hamutuk hitu (7) maibé situasaun sira ne’e hotu hetan kontroladu”, informa Arnaldo.
“Tanba ita haree akontesimentu barak ona mak rai lakan nakfera, fera no hamate ona ema tanba de’it ema asesu ba internet iha tempu udan no rai lakan”, apela Nia
Nia sujere ba sidadaun tenke evita situasaun sira hotu no presija konsiensia ema ida-idak nian rasik atu bele halo kontrolu ho di’ak, hases-án husi situasaun perigozu sira. Nel/Flo.