Governu Buka Posibilidade Evakua Estudante Timoroan Iha Xina

Fahe Tutan

Naunil Média (Díli), Primeiru Ministru (PM), Taur Matan Ruak, hateten governu sei buka posibilidade atu evakua estudante sira Timoroan iha sidade Wuhan Xina.

“Informa de’it kona-ba preparativus ita nian ba virus corona, haree hela posibilidade atu evakua ita nian estudantes iha ne’eba, iha fatin ne’ebe agora virus ne’e iha (Wuhan Xina). Liliu preparativus iha ita nia rai laran, karik akontese ita bele tenta minimize ninia efeitu”, informa PM Taur Matan Ruak, hafoin enkotru semanal ho prezidente repúblika Francisco Guterres Lu-Olo, iha palasiu prezidensiál Nicolao Lobato Bairo Pite, Díli, Kinta (30/01/2020).

Kona-ba evakuasaun ne’e iha loron 29 fulan janeiru governu Timor-Leste liu husi konsellu ministru aprova ona orsamentu ho total $ 1,5  millaun hodi evakua estudante bolseiru Timoroan  nain sanulu resin hitu(17) iha  Sidade Wuhan Xina.

Tuir informasaun ne’ebé mak relata katak dadaun ne’e virus korona hamate ona ema  hamtuk 41 no afetadus  hamatuk  nain 1.320.

Korona hanesan  virus ne’ebe mosu iha nasaun Xina iha tinan 2002/2003 liu ba kuase hamate ema husi pursentu 9,5 (%) husi total mortaldide, no moras refere foin identifikadu iha tinan 2019/2020 iha sidade Wuhan Xina. Nasaun ne’ebé dadaun ne’e afetadus ona virus korona mak hanesan, Japão, Korea Sul, Tailándia, Nepal, Vietnam, Honkong, Singapura, Australia, Estadus Unidus Amerika no Fransa. Dms

Leave a Reply

Your email address will not be published.