Koligasaun Foun ‘AMP’ Sei Apoia Governu Salva Povu Hosi COVID-19

Naunil Media (Díli), Porta voz Koligasaun Foun Aliansa Maiória Parlamentár (AMP), António da Conceição ‘Kalohan’, hateten koligasaun foun ne’ebé lidera hosi  Prezidente Partidu Kongresso Nasionál de Rekonstrusaun Timor-Leste (CNRT-Sigla Português), Kay Rala Xanana Gusmão ho aliadu sira sei fó apoiu ba governu konstitusionál da-ualu atu salva povu no luta hasoru pandemia corona virus iha Timor-Leste (TL).  

Porta voz koligasaun foun AMP, António da Conceição ‘Kalohan’, ba jornalista sira iha uma fukun Parlamentu Nasionál (PN), Segunda (06/04).

Porta voz Aliansa Maiória Parlamentár AMP, Antonio da Conceção ‘Kalohan’, haktuir, objetivu  hosi enkontru horseik (Domingo 05/04) entre prezidente koligasaun foun AMP, Kay Rala Xanana Gusmão,  la’ós ko’alia asuntu polítika maibé tau hanoin hamutuk entre koligasaun foun atu apoiu governu hodi kombate corona virus (COVID-19) iha Timor-Leste .

“Kestaun prinsipál ne’ebé horseik (Domingo 05/04) ami hala’o enkontru ne’e, oinsa ami tau hanoin hamutuk hodi responde ba povu nia preokupasaun, halo aktu prevensaun ba situasaun COVID-19. Ita  labele hein deit governu mesak mak halo medida prevensaun iha estadu emerjénsia, polísia sira tun hotu ne’e mak foin atu trava movimentasaun populasaun nian, maibé hanoin senáriu sira hamutuk oinsa atu prevene, ita nia nasaun ne’ebé la bele hada’et ba moras COVID-19 ninian”,Tenik Porta Voz AMP ‘Kalohan’.

Nia hatutan, hanoin sira ne’ebé aliadu AMP tau hamutuk ne’e hodi fasilita mós sidadaun timoroan sira ne’ebé dadaun ne’e sei estudu iha nasaun afeitadu sira hodi fó solusaun ba sira nia preokupasaun.

“Tetu situasaun sira ne’ebé mak iha hela nasaun afeitadu sira liuliu iha nasaun Indonézia hamutuk  nain rihun walu resin eskola hela iha ne’ebá no iha nasaun Tailandia, Portugal no nasaun sira seluk, maibé liuliu nasaun afeitadu COVID-19 hanesan Indonézia no Filipina. Ami  ko’alia ho bankada rua nia ema iha membru governu ne’e oinsa buka dalan fasilita estudante hirak ne’e bele tama mai no sira la bele mai entaun fasilita sira iha nia fatin, nafatin prepara kondisaun ba sira”, Salienta Kalohan.

Nia dehan, ho razaun hirak ne’e mak koligasaun foun halo enkontru hamutuk ho Prezidente Koligasaun Foun AMP, Kay Rala Xanana Gusmão no konvida Ministru defeza no Interiór Interinu, Filomeno Paixão no Ministra Finansas Sara Lobo Brites hodi haree asuntu sira ne’e.

Enkontru AMP  kompostu hosi partidu neén (6) mak CNRT, KHUNTO, PD, UTD, PUDD no Frente Mudansa no enkontru ne’e hala’o rezidénsia Prezidente  CNTR Kay Rala Xanana Gusmão, Licedere. Reuniaun refere hala’o kuaze oras ne’e, hahu hosi 15:000 to’o remata 21:00 otl.

Enkontru ne’e partisipa hosi Prezidente Partidu CNRT, Kay Rala Xanana Gusmão, Porta voz koligasaun foun AMP no atuál Sekretáriu Jerál Partidu PD, António da Conceição ‘Kalohan’, Sekretáriu Jerál Partidu UDT, Francisco David Ximenes, Prezidente partidu PUDD António de Sa Benevides.

Enkuantu membru governu konstitusionál da-ualu ativa vise-Ministra Finansas (MF) ein exercício, Sara Lobo Brites, Ministru Defeza no Interiór Interinu (MDI), Filomeno Paixão de Jesus, Ministru Transporte no Telekomunikasi (MTT), José Agostinho da Silva, Ministra Solidariedade Sosiál no Inkluzaun (MSSI), Armanda Berta, Ministru Negosius Estrangeirus no Koperasaun (MNEK), Deonísio Soares Babo no eis vise-ministra saúde (MS) Saúde Primaria ein-exercício Élia Antónia Amalar dos Reis. Partisipa mós Prezidente Parlamentu Nasionál (PPN) Arão Noe de Jesus Amaral, Deputada partidu FM, Isabel Maria Ximenes, Deputada Fernanda Lay, Carmelita Moniz no deputadu Duarte Nunes. Uar