Númeru Kazu Covid-19 Kontinua Aumenta, Evaristu: Komunidade Kumpre Protokulu Saúde
Naunil Media (Díli), Númeru Kazu Surtu Covid-19 ne’ebé kontinua aumenta kada loron mak Reprezentante Pilar 6 husi Ministeriu Saúde, Evaresto Soares husu, Komunidade sira atu Kumpre nafatin regra protokulu saúde nian.
Reprezentante Pilar 6 Evaresto Soares ba Jornalista sira, iha Sala Izolamentu Vera Cruz bainhira akompaña hela Mate-isin Olga Mendonça, ba prosesu halo Funebre, sexta (23/04)
Reprezentante Pilar 6 ne’e hatutan, Númeru kazu Pozetivu Covid-19 ne’e kontinua Aumenta kada loron tanba ne’e mak husu Komunidade sira kontinua halo prevensaun nafatin liu husi Protokulu Saúde ou Organizasaun Mundial Saúde nia nune’e bele prevene aan husi Surtu ne’e.
“hare’e ba matebian Olga Mendonça ne’ebé mak mate iha Izolamentu Vera Cruz iha loron kinta ne’e, husi lina kordenasaun ho ministeriu saúde ho Familia sira atu aplika medidas prevensaun Covid-19 ne’ebé tuir orientasaun husi Ministeriu Saúde ho WHO ida ne’e mak sira koordena ona liu liu Uja maskara, fase liman, distansia sosial nafatin nune’e bele prevene aan husi Covid-19”, dehan Evaristo.
“Pandemia ne’e halo terus ema barak ita hare’e deit agora dadaun iha Vera Cruz hodiseik deit ema barak la halimar 148 no sira ne’ebé mak moderadu lubuk ida no sira ne’ebé mak kritiku agora iha nain hira kedas agora iha hela Vera Cruz tanba ne’e mak ita evita ida ne’e tanba ne’e mak ita nafatin ko’alia evita Prevensaun ba komunidade Família hotu ita asegura ita nia aan asegura ita nia familia asegura komunidade mak foin ko’alia salva ita nia nasaun Timor-Leste”, nia hato’o.
Nia dehan, oras ne’e iha Sala Izolamentu mós sira ne’ebé mak Moderadu lubuk tanba ne’e mak nia husu ba sidadaun sira atu kontinua kuidadu aan nafatin.
Nune’e mós Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste,(CIGC-SS) Rui Maria de Araújo iha Loron 22 fulan de Abril hatete Centro Integrado Gestão de Crises, Sala Situação (CIGC-SS) Rezistu tan Kazu Covid-19 Positivu nain 148, husi kazu foun ne’e iha nian 118 husi Munisipiu Dili, no mós iha nain 30 husi Munisipiu sira seluk.Jos
