Ministru Paixão : “Tenki Simu Timor Oan Hosi Rai-Liur Mai TL”

Fahe Tutan

Naunil Media (Díli), Ministru Defeza no Interior Interinu, Filomeno Paixão de Jesus, deklara tenki simu sidadaun Timor oan ne’ebé tama mai liuhusi fronteira terestre.

“Ita nia ema sira ne’ebé tama mai ne’e, ita tenki simu sira maibé sira tenki tama kuarentena hodi kumpri regras ne’ebé fó sai husi Minsteriu Saúde atu bele preve COVID-19”, hateten Ministru Defeza no Interior Interinu, Filomeno Paixão de Jesus, ba jornalista sira iha EBC 04 Fatumeta, Tersa (23/06).  

Ministru Filomeno Paixão de Jesus, hatutan dadaun ne’e PNTL no F-FDTL kontinua hala’o servisu konjunta iha fronteira atu evita aktividade ilegais.

“Ita hein de’it desizaun dekretu husi governu no Prezidente, maibé seguransa sira iha fronteira kontinua halo servisu atu nune’e bele asegura ita nia fronteira”, tenik governante ne’e.

Ikus-liu, Governante ne’e dehan, “Ita laiha failla, iha loron 27 fulan Juñu agora mak remata estadu emerjensia. Estadu emerjénsia remata, ngovernu sei hanoin atu kontinua nafatin ka halo deit estadu emerjensia ba iha fronteira sira hanesan Bobonaro, Suai no Oe-Cusse”. Flo

Leave a Reply

Your email address will not be published.