UE Kongratula Susesu TL Kontra COVID-19
Naunil Media (Díli), Embaixadór União Europeia (UE) iha Timor-Leste (TL), Andrew Jacobs, hateten nia kongratula ba Prezidente Repúblika, Francisco Guterres ‘Lú Olo’ no pavu Timor-Leste kona-ba susesu ne’ebe atinji kontra COVID-19.
“Ha’u kongratula ba sua exelensia Prezidente Repúblika kona-ba Timor -Leste nia susesu bo’ot ba tratamentu COVID-19”, hateten Emabaixadór UE Andrew Jacobs, ba ba jornalista sira hafoin enkontru ho Xefe Estadu Lú Olo iha Palasiu Prezidensiál Bairru Pité, Tersa (23/06).
Diplomata ne’e hatutan, ho efetivu servisu Governu nian, espesiál Ministériu Saúde (MS), Sentru Integradu Jestaun Krize (CIGC-Sigla Português ) inklui seguransa nasionál hanesan PNTL, F-FDTL nomós Oragnizasaun Mundial Saúde (OMS).
“Ami mos konkorda atu nafatin halo vizilansia maske dadaun ne’e Timor seidauk iha kazu positivu”, informa embaixadór ne’e.
Durante Periodu Surtu COVID-19, União Europeia ajuda Timor-Leste ho montante U$3 milões ba Governu Timor-Leste hodi konbate hasoru COVID-19. Dms
