EdukasaunFEATUREDIkus LiuNews

Semana Ne’e Eskola Filiál Nú Laran Bele Hala’o Hikas Prosesu Aprendijazen

Fahe Tutan

Naunil Media (Díli), Eskola Filiál Nú Laran, iha suku Grincenfor, Postu Administrativu Nain Feto, semana ida ne’e nia laran bele hala’o hikas nia prosesu aprendijazen, tanba ho apoiu hosi ekipa Ministériu Edukasaun Juventude no Desportu (SEJD) ho Parlamentu Nasionál (PN) hamoos ona sala no resintu eskola nian ne’ebe nakonu ho tahu hafoin akontese inundasaun iha Sesta (13/03).  

“Sala no resintu eskola nian nakonu ho tahu maibé ami hetan apoia hosi Ministériu edukasaun no Prezidente Parlamentu Nasionál, Arão Noé de Jesus da Costa Amaral, organiza funsionáriu parlamentu nasional nian inklui bankada parlamentár sira hala’o atividade limpeza iha eskola ne’e. Iha posibilidade bo’ot aban ami bele eskola fali”, hateten Kordenadór Eskola Filiál Nú Laran, Rogério Alegria Pinto ba jornalista sira iha eskola Filial, Kuarta (18/03).  

Kordenadór ne’e hein katak, hafoin hamoos tahun ne’ebé nakonu sala aula, sira bele hahu fali nia prosesu aprendijazen.

“Ami hein katak depois normaliza tiha situasaun ne’e eskola bele hahú fali nia prosesu aprendijazen. Eskola ne’e ladún hetan estragus maibé bee mak nakonu iha sala laran no livru sira ami konsege tau iha fatin aas”, dehan nia.

Estudante sira iha eskola Filiál refere hamutuk 584 no profesór hamutuk nain 19. Ana

Leave a Reply

Your email address will not be published. Required fields are marked *