Governu Sei Halo Vizilánsia Regorozu Ba Prevensaun Corona Virus

Fahe Tutan

Naunil Media (Dili), Ministra  Saúde En-Ezersisiu (MS), Élia António de Araújo dos Reis Amaral, hateten governu sei haka’as án atu haforsa liutan visilánsia ho regorozu ba prevensaun corona virus iha odamatan sira hanesan, portu, aeroportu no fronteira terestre. hanesan moras korona virus ba Prezidente Repúblika  Fransisco Guterres ‘Lú Olo.

Ministra Saúde En-enzersisiu, Élia António de Araújo dos Reis Amaral ba  jornalista sira hafoin remata sorumtuk ho Prezidente Repúblika (PR), Fracisco Guterres ‘Lú Olo’, iha Palasiu Presidensiál, Bairro Pité, Kuarta (18/03).

“Objetivu hosi sorumutuk  ida ne’e, oinsa atu haforsa liña kordenasaun ba kontrolu transmisaun  moras corona virus rai laran no iha fronteira sira, maske Timor-Leste seidauk identika moras corona virus”, informa membru oitavo governu, Élia António de Araújo dos Reis Amaral.

Tuir governante ne’e katak, sei nafatin halo vizilansia ba prevensaun corona virus, maske to’o ohin loron Timor-Leste sei livre husi moras refere.

“Ate agora ita seidauk komfrimadu iha covid-19,  maibé ita nafatin halo visilansia Rigoroszu iha nível nasionál no área rural hodi asegura ita nia sosiedade sira. Sosiedade sira tenke tuir regulamentu ne’ebe mak hosi saúde sira fó sai ona hanesan fase liman Bei-beik uza sabaun, komprimentu malu labele kaer liman, mear no fani taka ibun”, hatutan governante ne’e.

Partisipa iha sorumutuk ho Prezidente Repúblilika  ne’e, Prezidente Komisaun Inter-ministeriál ba prevensaun corona virus nian, Odete da Silva viegas, Prezidenti Cruz Vermelha Madalena Hanjam, Representan organizasaun  Saúde Mundiál no  Reprezentate Nasaun  Unidas sira iha Timor-Leste. Dms

Leave a Reply

Your email address will not be published.