Vendedór Sira Iha Munisipiu Lautém Lakohi Inventa Folin Foos

Fahe Tutan

Naunil Media (Lautém), Vendedór sira iha Munisipiu Lautém deklara sira lakohi aproveita situasaun Corona Virus no Impase Polítiku hodi inventa folin foos.

Komunidade sira deklara asuntu ne’e relasiona ho rumoris katak governu sei taka importasaun ai-han hosi rai-liur, tanba ho atu prevene corona virus labele tama iha Timor-Leste.

Vendedóra Joaquina Ximenes, hateten nia fa’an foos iha nafatin tuir folin normál, tanba nia lakohi atu aproveita situasaun rai laran, hanesan isu corona virus no impase polítiku hodi hasa’e folin sasan liliu foos.

“Los duni !, Komunidade Postu Administrativu Lospalos Villa, horseia (Tersa 17/03) ne’e, sira mai hadau malu foos iha merkadu hodi hola, tanba komunidade sira rona rumoris katak governu taka portu no aeroportu sira relasiona ho moras corona virus ne’ebé espalla iha mundu. Ami fa’an sasan hanesan foos no sasan sira ne’ebé ba nesesidade baziku nian, kustu sei tuir normá, kompradór sira mai iha merkadu hola fo’os, balun to’o saku lima, maibé folin  foos ne’e sei hanesan babain. Ita  labele aproveita situasaun sira hanesan ne’e, hodi hasa’e folin sasan tuir hakarak de’it”, Vendedor Joaquina Ximenes ba Naunil Media iha Bairru Bee Moris, Postu Administrativu Lospalos, Kuarta (18/03).

Iha Sorin seluk komunidade Americo da Costa, haktuir sir aba hadau malu foos iha merkadu tanba rumoris governu atu taka portu, aeroportu no fronteira no tauk vendedór sira hasa’e folin foos.

“Tanba ami rona informasaun katak, governu atu taka portu ho aeroportu inklui Fronteira terestre, relasiona ho corona virus ne’e, tanba ne’e ami hadau malu foos iha merkadu, maibe folin foos ne’e sei hanesan Baibain, entaun ema hola hodi antisipa de’it”, komunidade ne’e haktuir ne’e.

Folin foos iha postu administrativu Lospalos Villa  kustu foos husi 30 kilógrama (kg) kustu U$ 16, foos  husi 25 (kg) kustu U$ 13 no foos marka Folsom 20 (kg) kustu U$ 16.00. Lat

Leave a Reply

Your email address will not be published.