PM Taur Sei Lansa Primeira Pedra Konstrusaun Edifisiu TDD

Naunil Media (Díli), Prezidente Tribunal Rekursu (PTR), Deolindo dos Santos, hateten tempu badak nia laran, Primeiru Ministru Taur Matan Ruak sei halo lansamentu ba primeira pedra ba konstrusaun edifisiu foun Tribunal Distrital Díli (TDD).

Deolido dos Santos, ba jornalista sira  hafoin sorumutuk ho xefe oitavu governu konstitusionál, Taur Matan Ruak, iha Palasiu Governu, Sesta (13/03).

“Iha tempu badak Xefe Governu Taur Matan Ruak sei halo lansamentu ba primeira pedra ba konstrusaun Tribunal Distrital Díli ni’an. Konstrusaun ne’e ho  orsamentu ne’ebé mak preve 10 milões, no ba fikalizasaun ni’an 500 mil dolar, durasaun ba obra ne’e remata iha fulan ualu (8)”, informa PTR, Deolindo dos Santos.

Prezidente Tribunal Rekursu, Deolindo informa mos, relasiona ho situasaun polítíka rai laran no Estadu Timor-Leste tenke la’o deit ho duodecimo, maibé nia parte nafatin esforsu hala’o servisu  tribunal rekursu ni’an la’o ho normal.

“Ho situasaun politíka ne’ebé mak ita  ultra pasa no mos ho orsamentu ne’ebé mak ita iha ho orsamentu duoadecimo, maibé tribunal esforsu nafatin hodi hala’o servisu tribunal rekursu ni’an ho forma ne’ebé mak normal. Tanba bainhira tribunal la la’o ho forma normal ita bele hetan difiludade”, hateten Nia.

Deolindo dehan, “jestaun ba  juis sira hala’o nafatin, tribunal instansia  ba julgamentu sira ne’ebé mak iha munisipiu sira mak hanesan Baucau, Lautem, Viqueque, Manatutu, Suai, Ainaru, Same, Maliana, Díli, Ermera, Aileu, Liuiçá, Oe-cusse Ambeno”. Lop