COVID-19 : PR Lú Olo Agradese Apoiu Prevensaun EUA Mai TL

Fahe Tutan

Naunil Media (Díli), Embaixadóra Estadus Unidus Amerika (EUA), Kathleen Fitzpatrick, hateten Prezidente Repúblika (PR) Francisco Guterres ‘Lu Olo’ agradese ba EUA, tanba durante ne’e fó ona apoiu ba povu Timor-Leste (TL) hodi halo prevensaun Surtu COVID-19.

Reprezentante Estadus Unidus Amerika, Kathleen Fitzpatrick, ba jornalista sira hafoin sorumutuk ho PR Lú Olo, iha Palásiu Prezidensiál Nicolau Lobato, Bairru Pité, Kuarta (10/06).

“Prezidente Repúblika ohin fó agradese ba Estadus Unidus  Amerika ne’ebé mak fó apoiu ba iha COVID-19. Estadus Unidus Amerika sempre prontu atu fo apoiu ba Timor-Leste”, Embaixadóra EUA, Kathleen haktuir.

Diplomata EUA iha Timor-Leste, Kathleen, informa EUA atu fó apoiu tan osarsamentu hamutuk millaun ida pontu neen U$1.6 ba Timor-Leste, iha situasaun COVID-19 hodi bele ajuda projetu  sira hanesan, saúde, projetu kona-ba maskra, projetu estasaun fatin fase liman no projetu desnfetante.

“Ho ida ne’e, Embaixada Estadus Unidus Amerika kontinua dezenvolve. Ami mos kontimua kontaktu relasaun ho di’ak”. dehan Kathleen. Pau

Leave a Reply

Your email address will not be published.